سبک :: کنار قدمهای جابر...
.
حاج علی#زلفی_تبریزی
.
بو زنداندا بی یارم الله
بلایه گرفتارم الله
ایاق باغلی بوینومدا زنجیر
یوخومدی منیم چارم الله
.
اوزاق دوشدوم ایلدن وطندن
جانا دویموشام سند الیندن
اگر چه غریبم بو یرده
خوشام دوشمدیم آیری سندن
.
سنه دیلده یارب واریم استغاثه
ترحم قیل الله بو اهل نیازه
.
بی یارم الله الله الله الله الله الله
بیمارم الله الله الله الله الله الله
.
.
.
.
.
.
.
.
یاماندی خدا درد غربت
شرر وردی جانه بو حسرت
چخاندا جان اوغلوم رضانین
جمالین گوریدیم بو ساعت
.
بو طرزیله دلشاد اولیدیم
بکالردن آزاد اولیدیم
گلیدی بالام محبسیمده
جمالین گوریدیم اولیدیم
.
منی اون بیر ایلده بو زندان سیخوبدی
غریبم خدا آهیم عرشه چیخوبدی
.
بی یارم الله الله الله الله الله الله
بیمارم الله الله الله الله الله الله
.
.
.
.
.
.
.
.
بو زنداندا حالیم بیلن یوخ
ملاقاتیمه بیر گلن یوخ
آخور خون دل گوزلریمدن
بو خونابی یوزدن سیلن یوخ
.
نگهبان عناد اوسته دوردی
جفائیله بیر قورقی قوردی
اله آلدی بیر تازیانه
نماز اوسته ظلمیله وردی
.
دوتوب یوز بقیعه آنامی چاغورام
آنام فاطمیله نوا بزمی قورام
.
بی یارم الله الله الله الله الله الله
بیمارم الله الله الله الله الله الله
.
.
.
.
.
.
.
.
آدون دیلده ایمدی چخور جان
سنه حمد اولا حی سبحان
ولی فاطمه اوغلی یالقیز
چوخور یرده یاندی سوسوزدان
.
ورولدی بیر اوخ سجده گاهه
دوشوب یاره لی قتلگاهه
اوحالیله چوخ ناگراندی
باخاردی گوزی خیمه گاهه
.
ترحم قیل الله خیامیم تالاندی
او قورخان اوشاقلار چادرلاردا یاندی
.
بی یارم الله الله الله الله الله الله
بیمارم الله الله الله الله الله الله
.
.
- پنج شنبه
- 29
- اسفند
- 1398
- ساعت
- 14:17
- نوشته شده توسط
- ابوالفضل عابدی پور
- شاعر:
-
حاج علی زلفی تبریزی
ارسال دیدگاه