ایدون شادی جهانه سالک مهرو وفا گلدی
حسینه نازلی بیر دختر عزیز و دلربا گلدی
.
خرامان اولدی پیغمبر ،امیر المومنین حیدر
شبیه حضرت زهرا گل خیر النساء گلدی
.
گوز آچدی عالمه اولدی مُنوَّر بیت ثارالله
یوزی آی تک درخشاندی ،مَه برج ولا گلدی
.
دیور لای لای آناسی اوخشیور اهل حرم یکسر
ایدور حور و ملک شادی که جَناته صفا گلدی
.
سُووندی حضرت زینب بالانی آلدی آغوشه
دیدی دیلده خدایا نوحه خوان کربلا گلدی
.
رقیه سَمبُل عِفت ،رقیه عترته زینت
ابوالفضل دلاور تک غَیور و با وفا گلدی
.
ابی عبدللهه الله رقیه نی ویروبدور پای
گلستان حسینه بلبل دستانسرا گلدی
.
بو قیز شاگرد ممتاز کلاس درس زینبدور
رقیه فتح ایدر شامی بیله بیر اقتضاگلدی
.
خانم جشن ولادتدور،نظر ایله گرفتاره
مریضانه شفا آلماقدان اوتری (پوریا) گلدی
.
- دوشنبه
- 15
- اردیبهشت
- 1399
- ساعت
- 12:21
- نوشته شده توسط
- ابوالفضل عابدی پور
- شاعر:
-
احمد پوریا
ارسال دیدگاه