قاپوا گلمیشم گنه آقا
یوزی قرا غلامووی قوما
بیر باخیشون منه کفایتدور
گزون فداسیَم منی آتما
سایووی کسمه باشیمین اوستن
دوت الیمی سنی آنون زهرا
آدووی اورگدیب منه آنام
روضه لرینده گزدیریب آتام
سنون تک شهریار الماز
صفالی قبرون کیمین مزار الماز
حسین آقام حسین آقام
عنایتون حالیمه شاملدی
اورک سنون عشقووه مایلدی
ارادتیم سنه مدام السا
عبادتیم الها کامیلدی
محبتووی قلبیمه قویان
جهانی خلق ادندی عادلدی
ولایتون عبادتین جانی
روضه لرینده فاطمه بانی
سنه دیل داغلیار زهرا
سنه عاشوراده آغلیار دنیا
حسین آقام حسین آقام
گزل آدون دیلیمده ازبردی
روضه لرینده گزلریم تردی
باش قرَسی هر ایل محرمده
شرافتین تاجیدی افسردی
فدا اولا جهان او طفله کی
گول کیمی سینَن اوسته پرپردی
فلک سنین غمینده گریاندی
ملک سنون قاپوندا درباندی
شفیعِ محشریم سنسن
خوشام کی دنیاده دلبریم سنسن
حسین آقام حسین آقام
دوت الیمی سنه امیدیم وار
سنون کیمی منه اولار کیم یار
قبریمین اول گجه سینده من
تاپامارام سنون کیمین غمخوار
هایاندا واردی حانسی سلطانون
صفالی مرقدون کیمین دربار
بیر عمریدور سنه دخیلم من
درگهوه عبدِ ظلیلم من
نظر ایله منه مولا
اولا بو جانیم سنه فدا مولا
حسین آقام خسین آقام
سنون غمونده گزلریم آغلار
محرمون اورکلری داغلار
گوزیاشیمون حرمتینه الله
جهنمین قاپیلارین باغلار
اگر خلیله اود گلستاندی
سنی حرایه سسلیَر باغلار
کرببلاایلن وارم الفت
آدون منه وریب آقا اذت
سخا سنده عطا سنده
منه بیر براتِ کربلا سنده
حسین آقام حسین آقام
سنه نوکرلیگ افتخاریمدور
ولایتون منیم وقاریمدور
اورک تلاتمه دوشن ساعت
گزل آدون منیم قراریمدور
اِل اوبامی چوخ ایستیَم اما
کرببلا منیم دیاریمدور
سنده اولان جلالته قربان
سنه قالبدی ماسوا حیران
اولان ای خالقه مظهر
سنه پیغمبرلر آغلیار یکسر
حسین آقام حسین آقام
سنون آتاندی عالمه سرور
سنون آناندی خلقته محور
دیریده یر ورر سنه ترسا
عرمنیده قارداشووی سسلر
کنیزون ایلیَن روا حاجت
غلامون عالمه اولان سرور
مریضلره شفا ورن آقا
اورکلره صفا ورن آقا
سنه جانلار اولا قربان
سنون آدون دردلره ادر درمان
حسین آقام حسین آقام
آی عشقی جاندا ایلین غوغا
اردبیله ایله نظر مولا
انوریلن یحیویلر مثلی
حسینچیلر بوردا ادر معوا
بوردا گچیب تمدونین عمری
نوحه دیوب سلیم الوب شیدا
هر ایل محرمین اولار محشر
قرا گیَر هامی سنه یکسر
تیکانلیقدا قاچا قاچا
دیَر منزوی رقیه واویلا
حسین آقام حسین اقام
- سه شنبه
- 16
- اردیبهشت
- 1399
- ساعت
- 11:7
- نوشته شده توسط
- ابوالفضل عابدی پور
- شاعر:
-
حسنعلی بالایی
ارسال دیدگاه