حکم قرآنیله بنیان عبادتدی نماز
لوحۀ مغفرت یوم قیامتدی نماز
.
بیر گوزه للیک دی کی عقبا ایوین آباد ایلر
عفو سبحانه بویوک مدرک و آیتدی نماز
.
قید ائدوب لر ابدیت ده تجلایه چیخار
کیم نماز قیلسا ،کی تحصیل سعادتدی نماز
.
گل عبودیته ،آزاده لیگین تاپ شرفین
بو باش اندیرمه گه گلتاج سیادتدی نماز
.
روحی شفاف ایلین دیر،گونش آیینه سی تک
جمله عاشقلر اوچون باغ طراوتدی نماز
.
دین اصولینده هدایت یولونون مبدأیی دیر
اعتقادیم بودی معنای هدایتدی نماز
.
قره العین نبی دیر بویوروب ختم رسل
مومنین روحونه امضای طهارتدی نماز
.
سن عبودیتی حریته وورسان پیوند
گوره جکسن نئجه پر عز و شرافتدی نماز
.
نفسی زنجیره چکر،فطرتی تطهیره چکر
عشقی تفسیره چکر،صبح لطافتدی نماز
.
محو ائدر معصیتی ،الده ائدر مغفرتی
«یحیوی » منزلتی ،روح بشارتدی نماز
- سه شنبه
- 16
- اردیبهشت
- 1399
- ساعت
- 11:57
- نوشته شده توسط
- ابوالفضل عابدی پور
- شاعر:
-
حاج عباسقلی یحیوی
ارسال دیدگاه