بیریسی ایستسه گر حاجتی روا اولسون
گرک توسلی بی رنگ و بی ریا اولسون
.
ائمه بیر کسی عالمده ائتمیوب مأیوس
ازل توسله لازمدی آشنا اولسون
.
حضور قلبیله گلسون لباس پاکیله
گرایستیه غم و اندوهدن رها اولسون
.
مکان خلوته قصد نمازیله گچسون
گجه زمانیدی مشغول التجا اولسون
.
نمازیدن صورا قویسون یوزینی توپراقه
تمام ذکری دلینده خدا خدا اولسون
.
ائمه نین بیرین اللهه واسطه ائتسون
بیان حاجتی بو طرزیله ادا اولسون
.
تانیتدیروب بیزه اون دورت قاپی خدای رحیم
که زندگی هامی انسانه با صفا اولسون
.
اولان زماندا بیری ناامید هر یاندان
امید واردی بولاردان اونا عطا اولسون
.
عریضه اشکیله یاز اهلبیت طاهایه
ایتیرمه چوخ ئوزووی دردیوه دوا اولسون
.
محبتیوی «علومی» بیر ایله خوار اولما
ائمه ایسته مز احبابی مبتلا اولسون
- سه شنبه
- 16
- اردیبهشت
- 1399
- ساعت
- 12:0
- نوشته شده توسط
- ابوالفضل عابدی پور
- شاعر:
-
محمد حسین کتابچی
ارسال دیدگاه