به سبک (عم اوغلی چوخ گل سارالار)
مدینِیه سال یولووی
مهربان ابالفضلیم
ئولور آنون اُمُّ بَنین
هارداسان ابالفضلیم
هارداسان ابالفضلیم
هایانداسان تابِ دئلیم
گوزلریم سنه قربان
گئجه گونوز یوللارا باخیب
ایلَرم اوغول افغان
ائله حالیم پوزقون اولیب
آغلادی منه مروان
فغان ائدوللر آنووا
دشمَنان ابالفضلیم
هارداسان ابالفضلیم
اورکده وار بیر مُحَنیم
قلبیمی ائله داغلار
اگر غَریبانه ئولَم
گوزلریمی کیم باغلار
دوتوب عزا بزمی هَمی
سس چکیب منه آغلار
غمون ائدیبدور آناوی
باغریقان ابالفضلیم
هارداسان ابالفضلیم
دیردیم اوغلانلاریمون
سایه سی باشیم اوسته
ولی سوزور اشکِ تَریم
ایندی گوزیاشیم اوسته
اجل تَری بیر بیر آخیر
آننیدان قاشیم اوسته
داخی آنون ئولمه لیدی
قهرمان ابالفضلیم
هارداسان ابالفضلیم
ائشیتمیشم قوللاریوی
ائتدیلر قلم اوغلوم
چاتیبدی سن نن منه تک
مشکیله علم اوغلوم
دئموسن هئچ نیلِیوری
بینوا ننم اوغلوم
آنووی آتدون نیه بس
وای جوان ابالفضلیم
هارداسان ابالفضلیم
- شنبه
- 10
- آبان
- 1399
- ساعت
- 22:32
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه