ﺭﻣﻀﺎﻥ ﮔﻠﺪﯼ ﺟﻤﺎﻋﺖ ﮔﯿﻨﻪ سلمان ﺍﻭﻻﺟﺎﻕ
ﺩﯾﻦ ﺍﺳﻼﻡ ﺍﻭﺟﺎﻟﻮﺏ ﺧﻠﻖ مسلمان ﺍﻭﻻﺟﺎﻕ
ﮔﻠﻪ ﺟﺎﻕ ﻏﯿﺮﺗﻪ ﻓﺎﺳﻖ،ﺍﻭﻻﺟﺎﻕ ﺍﻫﻞ ﺗﻤﯿﺰ
ﺍﺋﺘﺪﯾﻘﯽ ﻣﻌﺼﯿﺘﻪ ﺟﻤﻠﻪ ﭘﺸﯿﻤﺎﻥ ﺍﻭﻻﺟﺎﻕ
ﺑﺰﻧﻮﺏ ﺧﺎﺭ ﻣﻐﯿﻼﻥ ﮔﯿﺮﻩ ﺟﺎﻕ ﮔﻞ ﺩﻭﻧﻮﻧﺎ
ﻧﺨﻞ ﺳﻨﺠﺪ ﺩﻭﺯﻩ ﻟﻮﺏ ﺳﺮﻭ ﺧﺮﺍﻣﺎﻥ ﺍﻭﻻﺟﺎﻕ
ﻣﺴﺠﺪﻭﻥ ﺗﺎﺧﺠﺎﺳﯽ ﺣﺴﺮﺕ ﻗﺎﻻﺟﺎﻕ ﻣﻬﺮ ﺍﻭﺯﻭﻧﻪ
ﻫﺮﻩ ﺑﯿﺮ ﻣﻬﺮ ﺗﺎﭘﻮﭖ ﺑﻨﺪﻩ ﯼ ﯾﺰﺩﺍﻥ ﺍﻭﻻﺟﺎﻕ
ﺑﯿﺮ ﻣﺤﺮﻣﺪﻩ ﭼﯿﺨﻮﺏ ﺷﺎﻫﻘﻠﯽ ﺑﯿﮓ ﻣﺴﺠﺪﺩﻥ
ﺑﯿﺮﺩﻩ ﺑﻮ ﺁﯾﺪﺍ ﮔﻠﻮﺏ ﺩﺍﺧﻞ ﺍﯾﻮﺍﻥ ﺍﻭﻻﺟﺎﻕ
اون بیر آیدور یومویوبدر ال اوزین یارقلی خان
ایندی حمامه گئدوب شاد و خرامان اولاجاق
ﻗﻮﻻﻗﯿﻦ ﺩﻭﺭﺩ ﺍﺋﻠﯿﻮﺏ ﻣﺎﻟﻠﯿﺎ ﺁﻏﺰﯾﻦ ﺁﭼﺎﺟﺎﻕ
ﺑﺎﺷﯿﻨﯽ ﺳﯿﻠﮑﻪ ﻟﯿﻮﺏ ﻭﺍﻟﻪ ﻭ ﺣﯿﺮﺍﻥ ﺍﻭﻻﺟﺎﻕ
ﺁﻻﺟﺎﻕ ﻣﻨﺒﺮﯾﻦ ﺍﻃﺮﺍﻓﯿﻨﯽ ﭘﻮﻟﺴﻮﺯ ﻟﻮﻃﯿﻼﺭ
ﭘﻮﻟﻠﻮﻻﺭ ﮔﻠﺴﻪ ﺩﻩ ﺑﯿﺮ ﮔﻮﺷﻪ ﺩﻩ ﭘﻨﻬﺎﻥ ﺍﻭﻻﺟﺎﻕ
ﻫﺮ ﮐﯿﻤﯿﻦ ﺧﻮﺵ ﺳﺴﯽ ﻭﺍﺭ ﺩﺍﻣﺪﺍ ﻣﻨﺎﺟﺎﺕ ﺍﺋﺪﻩ ﺟﺎﻕ
ﺁﭼﯿﻠﻮﺏ ﺣﻨﺠﺮﻩ ﺳﯽ ﺑﻠﺒﻞ ﺧﻮﺷﺨﻮﺍﻥ ﺍﻭﻻﺟﺎﻕ
هر ﺍﻭﭺ ﺍﺋﻮﺩﻥ ﺑﯿﺮﯼ ﻻﺯﯾﻤﺪﯼ ﭼﯿﺨﻮﺏ ﻭﺋﺮﺳﯿﻦ ﺍﺫﺍﻥ
ﺑﺨﺘﯽ ﻗﺎﺭه ﺧﺮﻭﺳﯿﻦ ﻗﯿﻤﺘﯽ ﺍﺭﺯﺍﻥ ﺍﻭﻻﺟﺎﻕ
ﺁﯼ ﻗﻮﺗﻮﻟﺠﺎﻕ ﺑﺎﺗﺎﺟﺎﻕ ﺟﻤﻠﻪ ﻧﻔﺴﻠﺮ ﻫﺎﻣﻮﺳﯽ
ﻧﻪ ﺍﺫﺍﻧﭽﯽ ﻧﻪ ﻣﻨﺎجاتچی ﻧﻪ ﻗﺮﺁﻥ ﺍﻭﻻﺟﺎﻕ
ﺍﻭﺭﻭﺟﻮﻥ ﻣﯿﻞ ﺍﺋﻠﯿﻨﻠﺮ ﮔﺌﺪﻩ ﺟﺎﻗﻼﺭ ﺳﻔﺮﻩ
ﮔﺰﻩ ﺟﺎﻕ ﻫﺮ ﯾﺎﻧﯽ ﺯﻭﺍﺭ ﺧﺮﺍﺳﺎﻥ ﺍﻭﻻﺟﺎﻕ
ﻗﻮﺗﻮﻟﻮﺭ ﻣﺎﻩ ﻣﺒﺎﺭﮎ ﻋﻤﻮﺩﺍﻥ ﮔﻠﺪﯼ ﺧﺒﺮ
ﺑﯿﺴﺖ ﻫﻔﺘﻢ ﮔﺌﺠﻪ ﺳﯽ ﻭﺍﺭﺩ ﺗﻬﺮﺍﻥ ﺍﻭﻻﺟﺎﻕ
ﺍﻭ ﺁﺩﺍﻣﻼﺭ ﮐﻪ ﻭﺋﺮﻭﻟﺮ ﺗﻮﻣﻨﯽ ﺑﯿﺮ ﻗﺮﺍﻧﺎ
سیره ﻟﺮﺩﻩ ﮔﺌﺠﻪ ﻟﺮ ﻗﺎﺭﯼ ﻗﺮﺁﻥ ﺍﻭﻻﺟﺎﻕ
دوزه جاق نعمت الوانی داداش سفرلره
فقرانین بو جهتدن اورگی قان اولاجاق
ﭼﮑﻪ ﺟﺎﻕ ﺭﺷﻮﻩ ﭘﻮﻟﯿﻨﺎﻥ ﭘﻠﻮﯼ ﺩﻭﺭﯼ ﻟﺮﻩ
ﺁﺗﺎﺳﯿﻦ ﯾﺎﺩﻩ ﺳﺎﻟﻮﺏ ﻣﺎﯾﻞ ﺍﺣﺴﺎﻥ ﺍﻭﻻﺟﺎﻕ
بئش ﻗﺮﺍﻧﻠﻮﻕ ﺍﺗﻪ ﻗﺎﺩﺭ ﺩﮔﯽ ﺑﯿﭽﺎﺭﻩ ﮐﺎﺳﺐ
ﯾﺪﯾﮕﯽ ﺳﻮﺯﻣﻪ ﻗﺎﺗﻖ ﺍﯾﭽﺪﯾﮕﯽ ﺁﯾﺮﺍﻥ ﺍﻭﻻﺟﺎﻕ
ﺗﺮﮎ ﻋﺎﺩﺕ ﺍﺋﺪﻩ ﺟﮏ ﻣﺸﺪﯾﻨﻮﻥ ﺍﺧﻼﻗﯿﻦ ﻋﻮﺽ
ﺧﺸﮕﻪ ﺑﯿﺮ ﻣﻄﻠﺒﻪ ﺍﺣﻮﺍﻟﯽ ﭘﺮﯾﺸﺎﻥ ﺍﻭﻻﺟﺎﻕ
ﺧﺮﻣﮕﺲ ﺗﮏ ﮔﻠﻨﻪ ﻧﯿﺶ ﻭﯾﺮﻭﺏ ﺍﯾﻨﺠﯿﺪﻩ ﺟﺎﻕ
ﮔﻠﻪ ﺟﮏ ﺗﻨﮕﻪ ﺩﯾﻠﯿﻨﺪﻥ ﻫﺎﻣﯽ ﺗﺮﺳﺎﻥ ﺍﻭﻻﺟﺎﻕ
ﺩﻭﻻﺟﺎﻕ ﻣﺴﺠﺪ ﻭ ﻣﺤﺮﺍﺏ ﺟﻤﺎﻋﺖ ﺳﻮﺭﯼ ﺗﮏ
ﺍﻟﺪﻩ ﺗﺴﺒﯿﺢ ﻫﺎﻣﯽ ﻋﺎﺑﺪ ﺩﻭﺭﺍﻥ ﺍﻭﻻﺟﺎﻕ
ﺑﯿﻨﻮﺍ ﻭﺍﻋﻆ ﺷﻬﺮﯾﻦ ﺑﻮﻏﺎﺯﯼ ﯾﺮﺗﯿﻼﺟﺎﻕ
ﻣﺠﻠﺲ ﻣﻮﻋﻈﻪ ﺍﺯ ﺑﺴﮑﻪ ﻓﺮﺍﻭﺍﻥ ﺍﻭﻻﺟﺎﻕ
ﻗﻮﯾﺎﺟﺎﻗﺪﻭﺭ ﻫﺮﻩ ﺑﯿﺮ ﺷﯿﺸﻪ ﯼ ﮐﻮﭼﮏ ﺟﯿﺒﯿﻨﻪ
بئش ﻗﺮﺍﻥ ﻋﻄﺮﻩ ﻭﺋﺮﯾﺐ ﺩﺳﺘﻪ ﯼ ﺣﯿﺮﺍﻥ ﺍﻭﻻﺟﺎﻕ
ﺑﻌﻀﯽ ﺍﻓﻄﺎﺭﯾﻦ ﺁﭼﻮﺏ ﺟﺎﻥ ﺑﺎﺳﺎﺟﺎﻕ ﻗﻬﻮﻩ ﻟﺮﻩ
ﺑﺎﺷﯽ ﻧﻘﻠﻪ ﻗﯿﺰﯾﺸﻮﺏ ﺗﺎ ﮐﻪ ﺍﻭﺑﺎﺷﺪﺍﻥ ﺍﻭﻻﺟﺎﻕ
ﮐﺒﻼﺋﯽ ﺗﻮﺑﻪ ﺍﺋﺪﻭﺑﻮﺭ ﯾﺎﻏﺎ ﭘﯽ ﻗﺎﺗﻤﯿﺎﺟﺎﻕ
ﻣﺸﻬﺪﯼ ﺍﯾﻠﺪﯾﮕﯽ ﻇﻠﻤﻪ ﭘﺸﯿﻤﺎﻥ ﺍﻭﻻﺟﺎﻕ
ﻫﺮ ﮐﺲ ﺍﻭﺯ ﺑﺪ ﻋﻤﻠﯿﻨﺪﻥ ﺍﺋﺪﺟﮏ ﺍﺳﺘﻐﻔﺎﺭ
ﻧﻮﺭ ﺍﯾﻤﺎﻧﯿﻠﻪ ﻫﺮ ﻗﻠﺐ ﭼﺮﺍﻏﺎﻥ ﺍﻭﻻﺟﺎﻕ
ﺍﺗﺤﺎﺩﯾﻠﻪ ﻋﻠﯽ ﻧﻮﮐﺮﯼ ، ﺯﻫﺮﺍ ﮐﻨﯿﺰﯼ
ﮔﻠﻪ ﺟﺎﻕ ﻣﺴﺠﺪﻩ ﯾﺮ ﮐﺜﺮﺕ ﻭ ﻃﻐﯿﺎﻥ ﺍﻭﻻﺟﺎﻕ
ﮔﻠﻪ ﺟﺎﻕ ﺩﺳﺘﻪ ﺑﻪ ﺩﺳﺘﻪ ﺑﺎﺟﯿﻼﺭ ﻣﻮﻋﯿﻈﯿﻪ
ﻣﺴﺠﺪﯾﻦ ﻫﺮ ﻃﺮﻓﯽ ﺭﻭﺿﻪ ﯼ ﺭﺿﻮﺍﻥ ﺍﻭﻻﺟﺎﻕ
ﮔﺰﻩ ﺟﺎﻕ ﮐﻮﭼﻪ ﻟﺮﯼ ﻫﺎﺭﺩﺍ ﮔﻮﺭﺍﺥ ﻣﺮﺛﯿﻪ ﻭﺍﺭ
ﺳﻮﺧﻮﻟﻮﺏ ﻫﺮ ﺍﺋﻮﻩ ﻫﺮ ﺳﻤﺘﻪ ﺷﺘﺎﺑﺎﻥ ﺍﻭﻻﺟﺎﻕ
ﺑﻌﻀﯽ ﻗﯿﺰﻻﺭ ﮐﻪ ﻧﻪ ﺍﻟﻠﻪ ﻧﻪ ﭘﯿﻤﺒﺮ ﺗﺎﻧﯿﯿﻮﺏ
ﺁﯾﺮﯼ ﯾﺮﻟﺮﺩﻩ ﮔﺰﻭﺏ ﻣﺮﺛﯿﻪ ﻋﻨﻮﺍﻥ ﺍﻭﻻﺟﺎﻕ
ﺁﻧﺎﻻﺭ ﻫﺮ ﺑﯿﺮﯼ ﺑﯿﺮ ﺩﻭﻧﺒﮏ ﺁﻟﻮﺏ ﻗﻮﻟﺘﻮﻗﻮﻧﺎ
ﻭﻧﮕﻪ ﻭﻧﮕﯿﻠﻪ ﮔﻠﻮﺏ ﺍﻭﺭﺩﺍ ﻧﻮﺍ ﺧﻮﺍﻥ ﺍﻭﻻﺟﺎﻕ
ﭼﮑﻪ ﺟﺎﻗﻼﺭ ﺁﺭﺍﺩﺍﻥ ﭘﺮﺩﻩ ﮐﻪ آرواد ﮐﯿﺸﻨﻮﻥ
ﺁﺭﺍﺳﯿﻨﺪﺍ ﺍﻭ ﻫﻤﺎﻥ ﭘﺮﺩﻩ ﻧﮕﻬﺒﺎﻥ ﺍﻭﻻﺟﺎﻕ
ﺍﻭ ﻃﺮﻓﺪﻩ ﮐﯿﺸﯿﻠﺮ ﺑﺎﺷﻪ ﻭﻭﺭﻭﺏ ﺁﻏﻠﯿﺎﺟﺎﻕ
ﺑﻮ ﻃﺮﻓﺪﻩ ﺑﺎﺟﯿﻼﺭ ﮔﻞ ﮐﯿﻤﯽ ﺧﻨﺪﺍﻥ ﺍﻭﻻﺟﺎﻕ
ﺳﺎﻻﺟﺎﻗﺪﻭﺭ ﺍﻟﻪ ﻣﻠﺖ ﻫﺮﻩ ﺑﯿﺮ ﮐﻬﻨﻪ ﺑﯿﺎﺽ
ﻇﺎﻫﺮﺍ ﺑﻨﺪﻩ ﯼ ﭘﺎﮐﯿﺰﻩ ﯼ ﺳﺒﺤﺎﻥ ﺍﻭﻻﺟﺎﻕ
ﺍﺋﻠﻪ ﮐﻪ ﭼﯿﺨﺪﯼ ﺍﻭﺭﻭﺟﻠﻮﻕ ﮔﺌﺪﻩ ﺟﺎﻕ ﺍﻭﺯ ﺍﯾﺸﯿﻨﻪ
ﮔﯿﻨﻪ ﺍﻭﻟﮑﯽ ﮐﯿﻤﯽ ﻣﺮﺷﺪ ﺷﯿﻄﺎﻥ ﺍﻭﻻﺟﺎﻕ
ﯾﯿﻪ ﺟﺎﻕ ﻣﺎﻝ ﯾﺘﯿﻤﯽ ﺁﭼﺎﺟﺎﻕ ﻇﻠﻢ ﺍﻟﯿﻨﯽ
ﻗﯿﺰﺍﺩﻭﺏ ﺻﻮﺭﺗﯿﻨﯽ ﻣﺜﻞ ﺑﺎﺩﻣﺠﺎﻥ ﺍﻭﻻﺟﺎﻕ
ﻗﻮﺭﺥ ﺍﻭ ﮔﻮﻧﺪﻥ ﮐﺴﻪ ﺁﻣﺎﻟﻮﯼ ﻣﻘﺮﺍﺽ ﺍﺟﻞ
ﺳﯿﻨﻮﻥ ﺍﻭﺳﺘﻪ ﻣﻠﮏ ﺍﻟﻤﻮﺕ ﻧﻤﺎﯾﺎﻥ ﺍﻭﻻﺟﺎﻕ
ﯾﺎﺭ ﻭ ﯾﻮﻟﺪﺍﺵ ﻗﻮﯾﺎﺟﺎﻕ ﺗﮏ ﺩﺍﺷﯿﻦ ﺁﻟﺘﯿﻨﺪﺍ ﺳﻨﯽ
ﻗﺒﺮ ﺍﯾﭽﯿﻨﺪﻩ ﺑﺪﻧﻮﻥ ﺧﺎﮐﯿﻠﻪ ﯾﮑﺴﺎﻥ ﺍﻭﻻﺟﺎﻕ
ﻋﺪﻝ ﻣﺴﺘﻨﻄﻘﯽ ﺳﻨﺪﻥ ﺁﻻﺟﺎﻕ ﺗﻮﺿﯿﺤﺎﺕ
ﺣﯽ ﻭ ﻗﻬﺎﺭ ﺍﺋﻠﯿﻦ ﻋﺪﻟﯿﻠﻪ ﺩﯾﻮﺍﻥ ﺍﻭﻻﺟﺎﻕ
ﯾﺪﯾﮕﻮﻥ ﻧﻔﻊ ﺭﺑﺎﻟﺮ ﮔﻠﻪ ﺟﺎﻕ ﺑﻮﺭﻧﻮﻧﺪﺍﻥ
ﻟﯿﺮﻩ ﻟﺮ ﻫﺮ ﺑﯿﺮﯼ سی ﺁﺗﺶ ﺳﻮﺯﺍﻥ ﺍﻭﻻﺟﺎﻕ
ﯾﯿﻐﺪﯾﻘﻮﻥ ﺛﺮﻭﺗﯽ ﺗﻘﺴﯿﻢ ﺍﺋﺪﻩ ﺟﮑﺪﻭﺭ ﻭﺭﺛﻪ
ﺧﺎﻧﻤﻮﻥ ﺍﻭﺯﮔﯿﯿﻪ ﻫﻤﺨﻮﺍﺑﻪ ﯼ ﺟﺎﻧﺎﻥ ﺍﻭﻻﺟﺎﻕ
ﻭﺍﯼ ﺍﻭ ﺷﺨﺼﻪ ﮐﻪ ﮐﺘﺎﺑﯿﻦ ﻭﺋﺮﻟﺮ ﺻﻮﻝ ﺍﻟﯿﻨﻪ
ﺑﺎﺧﻮﺏ ﺍﻭﺯ ﻧﺎﻣﻪ ﯼ ﺍﻋﻤﺎﻟﯿﻨﻪ ﮔﺮﯾﺎﻥ ﺍﻭﻻﺟﺎﻕ
ﺧﻮﺵ ﺍﻭ ﺍﺷﺨﺎﺻﻠﺮﯾﻦ ﺣﺎﻟﯿﻨﻪ ﯾﻮﻡ ﺍﻟﻌﺮﺻﺎﺕ
ﮐﻪ ﺷﻔﺎﻋﺘﭽﯽ ﻟﺮﯼ ﺷﺎﻩ ﺷﻬﯿﺪﺍﻥ ﺍﻭﻻﺟﺎﻕ
ﻧﻘﺪﺭ ﺳﺎﻏﺪی کریمی ﯾﺎﺯﺍﺟﺎﻕ ﺷﻌﺮ ﻭ ﻏﺰﻝ
ﺳﺆﺯﯼ ﻫﺮ ﻋﺼﺮﯾﺪﻩ ﻫﺮ ﺷﻬﺮﯾﺪﻩ اعلان ﺍﻭﻻﺟﺎﻕ
ﺑﺎﺭ ﺍﻟﻬﺎ ﺑﯿﺰﻩ ﺳﻦ ﻟﻄﻒ ﺍﺋﻠﻪ ﺗﻮﻓﯿﻖ ﻋﻤﻞ
ﺍﻭﻟﻤﺎﺳﺎ ﺧﺎﻟﺺ ﻋﻤﻞ ﺩﺭﺩﻩ ﻧﻪ ﺩﺭﻣﺎﻥ ﺍﻭﻻﺟﺎﻕ
یئتیش ﺍﻣﺪﺍﺩﯾﻤﯿﺰﻩ ﺟﺎﻥ یئتیشنده ﺩﻭﺩﺍﻗﺎ
ﺍﻭﻧﺪﺍ ﮐﻪ ﺟﺎﻥ ﻗﻔﺲ ﺗﻦ ﺩﻩ ﻫﺮﺍﺳﺎﻥ ﺍﻭﻻجاق
- سه شنبه
- 13
- آبان
- 1399
- ساعت
- 12:51
- نوشته شده توسط
- یوسف اکبری
ارسال دیدگاه