سکوت محضیدی شهر مدینه خلوتیدی
گِئجه یاریدی، قَرانلیق چو شام ظلمتیدی
جوار شمعیده پروانه لر یورولموشودی
مقام عاشق و معشوقیده کسالتیدی
بقیع چولونده غبار بلا اوتورموشودی
بقیع دمه نه بقیع صحنه ی قیامتیدی
گلیردی کوی بنی هاشمین سیزیلتی سسی
نه سس کی مایه ی رنج و تب و ملامتیدی
ایشیق گلیردی بیر اِئودن اودا علی اِئویدی
نه اِئو کی مجلس ماتملره شباهتیدی
بیر آغلاماغ سسی بیر سو سسی گلیر قولاغا
بو آب چشمیدی یا آب غسل میت یدی
کمال غربته باخ یار یاره غسل وِئرور
نِئجه جنازه دِئمه پیکری سلامتیدی
همان او اَل کی آچوب خیبرین ییخیب قاپیسین
اِئله اَسیردی، اونون لرزشی نهایتیدی
قوتاردی غسل ولی قوتاریب دی عُمر علی
نِئجه دوزِیدی،مگر اَلده کی امانتیدی
باخاباخا بالالار اِئتدیلر آنایه کفن
تصور ایله گوگول گور نه غملی حالتیدی
یانان قاپی آچیلوب چیخدی بیر کیچیک تابوت
اَل آتدی یِدی نفر ، یِدی دست رأفعتیدی
باخان دییَر دی او تابوتیده یاتان یوخدی
یاتوب ولی او کی عالملرین طراوتیدی
ویراردی باشینه زینب دییَر دی ایوای آنام
آپارمیون آنامی وقت استراحتیدی
خدایه شاکر اول ای (عندلیب) صبح و مسا
اَلینده کی قلمین اهل بیت عنایتیدی
- سه شنبه
- 13
- آبان
- 1399
- ساعت
- 20:4
- نوشته شده توسط
- یوسف اکبری
- شاعر:
-
عزیز ممی پور
ارسال دیدگاه