من زینب آدلیام اودی باشی بلالیم

قارداش مصیبتنده اورکدن یارالیام

بش ایل خانملق ایلدیقیم شهره گلمیشم

ایمدی حسین منی تانمولار هارالیام

تاتار اسیری تک گزیرم چارسولری

آخر سنون غمنده بوگون لااُبالیم

اهل جفا قویوبلا بیزه خارجی آدی

گرچه بونی بولولّه پیمبر عیالیم

آهو کیمی کمنده سالوب ایتدیلر شکار

صیّادیلر بولور حرم الله غزالیم

اولسام خلاص شمرین الیندن هارا گیدیم

هیچ بولمورم مدینه لیم، کربلالیم

کرب وبلاده سولدی گلوم خار اسیریم

سولموش گلون او بلبل پر بسته بالیم

ابن زیاد مجلسی چخدی خیالیدن

بیر مجلس یزید قالوبدور خیالیم

خاتونیدیم بو قومه کنیزو غلامیدور

اونلار، لباس عیش گیوب من قرالیم

الده چالولا دایره و دف حنا یاخان

سیره چخوب دیموله من آخر عزالیم

قانلو باشون دالنجه دوشوب شامه گلماقا

هر صبح و شام طالب روز وصالیم

چوخ گزمشم چوخ اینجمشم چوخ یورولمشام

عشقونده بی وفا دگلم چوخ وفالیم

ایلوله طعنه بزلره نفرین ایتمرم

قالو بلاده ایلدوگوم عهده حالیم

شامه گیرن زمان نجه خورشید گزلنور

منده حجاب زلفله اگنی قرالیم

یا فاطمه دالیمجا گلورسن سراغیمه

شامون خرابه سینده تاپارسان نوالیم