خلقتون سر سبدی جان جهان زهرادی

اسم اعظمده که اسرار نهان زهرادی

یارانوب حور وملک فاطمه نون نوریندن

جلوه نُه فلک و کون و مکان زهرادی

مَتن لولاکی بونون شأنیدی تکمیل ائلین

پیکر عفت و عصمتده که جان زهرادی

هر گوزلّیک که گوره بیلسه بشر عالمده

ذرّه نور رُخ فخر زنان زهرادی

اولسا تفسیر اگر فاطمه آدی خانمون

یعنی انسانلاری اوددان قوتاران زهرادی

جنّت آختارسان اگر دامن زهرانی یاپیش

متن قرآندا که جنّتده همان زهرادی

انبیانون گوزلین مست ائلین قیزدی بوقیز

مصطفی اللرینه بوسه وران زهرادی

او قوی پنجه که خیبر قاپوسین سندردی

او اله بذل ائلین تاب و توان زهرادی

گر قالوب عترت و قرآنون آدی زنده هله

حافظ مکتب توحید اینان زهرادی

اولین عاشقیدی وردی ئوزین عشق اودینا

غملی پروانه کیمی اُددا یانان زهرادی

حجّت حقّه گوره ائلیوب احساس خطر

سنگر عشقیده محکم دایانان زهرادی

ئوز ائوی ئوز قاپوسیندا قالان آواره خانم

کوینگی ظلمیله قانه بویانان زهرادی

بیلمورم نیلدی مسمار،  مَلَک لر دئدی وای

بو علی عشقینه جان نقدی ساتان زهرادی