بقیعده دفن اولونان گل بدنلره صلوات
او جسمیلرده بهشتی کفنلره صلوات
بقیعده چوخدی جنازه حجازی دور هامیسی
هامیسینی دئمورم، حق دییَنلره صلوات
او دورد امام که اولاد هاشمین گولودی
غبار قبریلرندن ئوپنلره صلوات
جوار قبر حسنده یاتوبدی زین العبا
یانیندا باقر و صادق گورنلره صلوات
گر ایستیسن گئده سن جنت البقیعه قوناق
شیرین دلونله دی شیرین سخنلره صلوات
اوخ آت او جنّتی تخریب ائدنلرین گوزونه
دی کاخ کفری یخان بت شکنلره صلوات
حریم عشقه «کلامی» علی نگهباندی
شه ولایتی مولا بیلنلره صلوات
- سه شنبه
- 20
- آبان
- 1399
- ساعت
- 11:0
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه