ائدوبدی حق ایثاری ادا قاسم سلیمانی
اولوبدی راه قرآندا فدا قاسم سلیمانی
سپاه قدسا فرمانده قوای عشقه سرلشکر
مجاهد شیر میدان غزا قاسم سلیمانی
اولوبدی عامل وحدت یاراتدی خلقه امنیت
ئوزی اما اولوب غرق بلا قاسم سلیمانی
حسینون تپراقندا قانه باتدی چون حسینی دی
دیدی لبیک یابن المرتضی قاسم سلیمانی
خانم زینب مدال قهرمان ویردی اوسرداره
آلوب اوندان نشان مرحبا قاسم سلیمانی
ابوالفضلین یولون گیتدی حرملردن دفاع ایتدی
آچوبدی پرچم صدق وصفا قاسم سلیمانی
اوسردار کمر بسته جهادّان اولمادی خسته
دیدی کنا معک یا لیتنا قاسم سلیمانی
بصیرت درسینی ام البنین اوغلوندان آلمشدی
ئوزی ده اولدی الگوی وفا قاسم سلیمانی
بصیرت اولماسا میداندا رزمنده یولی تاپماز
دیدی دونمز یولوندان مطلقا قاسم سلیمانی
دیمه اسلامیدن خلقین دفاعی هشت ساله یدی
دیور الاندا با صوت رسا قاسم سلیمانی
نه قدری فتنه وار عالمده هجرت وار شهادت وار
بونی قانیله یازدی تپراقا قاسم سلیمانی
نه جاهه آلّانوبدی نه مقامه دینینی ساتدی
چون اولموشدی شرفلن آشنا قاسم سلیمانی
او شیر جنگ تحمیلی وروب آمریکیا سیلی
بلی آلمشدی اللهدان قوا قاسم سلیمانی
بیلون ای قوم سرگردان که وروز نیزیه قرآن
هاموزدان شاکیدی روز جزا قاسم سلیمانی
بو سردار، عشقِ رهبردی دلاور مالک اشتردی
ایدوب اتمام حجت برملا قاسم سلیمانی
حسینون مکتبی آری مجاهد تربیت ایلر
اولوب قربان شاه کربلا قاسم سلیمانی
اویار آرمان گیتدی شرفلی قهرمان گیتدی
سالوب آفاقه طوفان عزا قاسم سلیمانی
جهانه ولوله ساللوخ عدودن انتقام آللوخ
اولا بلکه بو امتدن رضا قاسم سلیمانی
ئوزی گیتدی یولی قالدی فقط ساق بیر قولی قالدی
اولوبدی تیکّه تیکّه ای خدا قاسم سلیمانی
- پنج شنبه
- 22
- آبان
- 1399
- ساعت
- 17:21
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه