ای سینه مون زینتی
آیه مثل طلعتی
آدیوه جانیم فدا
ائللریمون شوکتی
مست ائلیوبدور منی
لبلریوین شربتی
دیرم جان سویگولومه
عطری گوزل نوگولومه
خوش نوالی بولبولومه
آی قلبیمون طاقتی
اولسون مبارک سنون
مقدمون آی محمد2
آیه وئرن سان بالا
سسلر آنان جان بالا
گوزلریمون نوری سن
روحیمه ریحان بالا
باخ آناوا نازیلن
جان سنه قوربان بالا
عشق و صفا مظهریسن
ائللریمون دلبریسن
ماه ملک منظریسن
دردیمه درمان بالا
اولسون مبارک سنون
مقدمون آی محمد 2
سن سن گل یاسمن
قلبیمه طاقت وئرن
صورتیوی بوس ائدوب
هر گلن و هر گئدن
گوز دگمِیه تا سنه
ساللام اوزرّیکده من
قوربان اولوم گول یوزیوه
آهو باخیشلی گوزیوه
خالقیوه هم اوزیوه
برجِ شرف ماهی سن
اولسون مبارک سنون
مقدمون آی محمد2
- پنج شنبه
- 22
- آبان
- 1399
- ساعت
- 17:53
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه