مست عشقم هوس جام وشراب ایلمرم
عمر سرمایه می من خرج سراب ایلمرم
باوریم واردی نه سوز که دیرم دوزدیرم
من حسین سیز گونومی عمر حساب ایلمرم
آند اولا بی کفن ارباب اوخیان آیه لره
چهره عشقیمه تزویری نقاب ایلمرم
در مولاده قوجالماق اوجالاندردی منی
بیرنفس غصه ایام شباب ایلمرم
دوزرم هرغمه،غم سنگ صبوریمدی منیم
ولی بیرلحظه حسین سیزلیگه تاب ایلمرم
در اربابیده سائللیگی،شاهلیق بیلورم
طلب شهرت و عنوانه شتاب ایلمرم
باشیم اوستونده نقدری آقامون سایه سی وار
خانه قبریمه ده فکر عذاب ایلمرم
- یکشنبه
- 25
- آبان
- 1399
- ساعت
- 17:34
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه