من حیا مکتبینون دهریده سر مکتبییم
بدر عصمتدی ننم فاطمه، من کوکبییم
حق دیوب حق دانیشان شیرحقون زینبییم
گلمیشم دین حقی کوفه ده احیا ائلییم
حقی ناحق ائلیین رهبری رسوا ائلییم
قلبیده عشق ولا ئولمسه احساس ئولمز
قطعه قطعه اولا گر قیمت الماس ئولمز
مین یارا ویرسوز اگر جسمینه عباس ئولمز
او شرافت آییدی حشره کیمی باتمیاجاخ
علقم اوسته ویریلان قانلی علم یاتمیاجاخ
ای جماعت بیلیسوز والی کوفه لقبین
بو امیرون تانیور بیر نفر اصل و نسبین؟
دانار آللهینی کیم دانسا یقین امّ و ابین
دائما مست می و عازم میخانه دی بو
تانیمازسوز آتاسین زاده ی مرجانه دی بو
ای جماعت نقدر ظلمیده طغیان ایله دوز
زاده ی فاطمه نی قانینه غلطان ایله دوز
اوخ ویروب اصغرین آغ دوشلوگونی قان ایله دوز
هانسی دورانیده غم عرش الهه چاتیلوب
هانسی پیکاریده دیلسیز اوشاقا اوخ آتیلوب
نئجه گور قوم دنی سالدی بلایه باشیمی
بیرگون عرضینده منیم قان ائلدی گوز یاشیمی
ییخدی تپراقه یوز اوسته اوجا بوی قارداشیمی
مکریلن باغلادیلار قارداشیمون یوللارینی
سالدیلار ظلمیله سقای حرم قوللارینی
قلبیمی فوج عدو محنتیلن داغلادیلار
حالیمه جن و بشر، حورو ملک آغلادیلار
فاطمه قیزلارینون قوللارینی باغلادیلار
کوفیان مهر و وفا بندینی کاش قیرمیالار
ویرالار داش ولی دای دل یاراسی ویرمیالار
- چهارشنبه
- 28
- آبان
- 1399
- ساعت
- 12:45
- نوشته شده توسط
- یوسف اکبری
ارسال دیدگاه