یارب بو قیزا ایله نظر قافله گئتدی
قویدی منی چوللرده ملر قافله گئتدی
آچدیم گوزوومی گوردوم علاجیم اوزولوبدی
گوردوم اسورم آلنیما هِی تر دوزولوبدی
بخت‌اولدوزوم اشکیم‌کیمی گویدن سوزولوبدی
قورخی منه چوخ ائتدی اثر قافله گئتدی
لطفوندن الهی ائلمه سائلی مایوس
گوندر بو گرفتاروه بیر مشعل و فانوس
آخر ائشیدن اولمادی فریادیمی افسوس
دور گئتمه چاغیردیم نه قدر، قافله گئتدی
کوسدورمه ئوزوندن ئورگی یاره یتیمی
امداد ائله بو بختی گونی قاره یتیمی
سن بوشلاما ئوز باشینه آواره یتیمی
ووردی دل بیماره شرر قافله گئتدی
اکبر چاغیروب دویمازیدیم بو گوزل آددان
افسوس اولا کامیم ده دوشوب زندگی داددان
گویا چیخادوب عمه لریمده منی یاددان
بختیم ائله بیل اولدی نظر قافله گئتدی
بیر اولدوزودیم مین قمره فخر ساتاردیم
گورجک بابامی غملری باشیمدن آتاردیم
صبحه کیمی من سینه سینون اوسته یاتاردیم
وئرسون بیری دلداره خبر قافله گئتدی
- پنج شنبه
- 29
- آبان
- 1399
- ساعت
- 20:29
- نوشته شده توسط
- یوسف اکبری
- شاعر:
-
وفا منافی اردبیلی
ارسال دیدگاه