به سبک(باز هوای وطنم)
ای شـرف آل عـبا ، یارالی یاحسین
وی آدی هردرده دوا، یارالی یاحسین
ماه محرم دی یئنه هامی گئیدی قرا
شیعه لرین گلدی آقا سنه توتسون عزا
وای حسین وای دئییریک دیلیمیزده دعا
سروریمیز سنسن آقا ، یارالی یاحسین
دردیمیزه ائیله دوا ، یارالی یاحسین
قاره علم لر ووراریق، ووراریق معبره
حجله‌ی ماتم قوراریق قوراریق اکبره
شوقیله لایلای چالاریق چالاریق اصغره
باشدا قرا دیلده نوا یارالی یاحسین
دردیمیزه ائیله دوا یارالی یاحسین
کرب وبلانین چولونه قوناق اولدون اوزون
عالمه اعلان ائلدون ائلدون حق سوزون
لطف ایله باخسین بیزه‌ده آقا قانلی گوزون
آغلامیشوق صبح و مسا یارالی یاحسین
دردیمیزه ائیله دوا یارالی یاحسین
ماتمینه نوحه دئییب اوجادان آغلاروق
باشیمیزه شاه شهید قره‌سین باغلاروق
شان‌شان اولان سینه سینین یاراسین باغلاروق
دایر ائدک بزم عزا یارالی یاحسین
دردیمیزه ائیله دوا یارالی یاحسین
عالمه تأثیر ائله دی ائله دی محنتین
بزم عزایه گله جاق گله جاق امّتین
یاتمییاجاقدیر علمِ علمِ نهضتین
زنده دی نام شهدا یارالی یاحسین
دردیمیزه ائیله دوا یارالی یاحسین
میر سپهدارووه چون هامیمیز عاشقوک
قولسوز علمدارووه چون هامیمیز عاشقوک
یاره‌لی سردارووه چون هامیمیز عاشقوک
تاپشیر اباالفضله آقا یارالی یاحسین
دردیمیزه ائیله دوا یارالی یاحسین
جمله عزاداری آدین یازا طومارینه
یار گرک یاری ائده یارالی یارالی یارینه
لطف ائلییه شاعرینه نوکر دربارینه
عشقیله«ستّاری» یازا یارالی یاحسین
دردیمیزه ائیله دوا یارالی یاحسین
- شنبه
- 1
- آذر
- 1399
- ساعت
- 23:0
- نوشته شده توسط
- یوسف اکبری
ارسال دیدگاه