به سبک(سر کوی بلند فریاد کردم...)
گیون قاره که هنگام عزادی
فلکده شورش محشر به پادی (۲)
باش آچمش جنت الاعلاده طاها
بتول و مرتضی غرق عزادی (۲)
آه و واویلا گلوب ایام ماتم
دوشدی بحرِ ماتمه اولاد آدم
خطاکارم یقین قاره یوزوم وار
یانقلی سینه‌ده اوتلی سوزوم وار (۲)
گوزومدن آتمیشام اهل جهانی
حسینون بزم یاسینده گوزوم وار (۲)
آه و واویلا گلوب ایام ماتم
دوشدی بحرِ ماتمه اولاد آدم
مریض عشق اولان گلسون دوایه
دیسون هر دردینی شاه وفایه (۲)
تماماً حاجتون دیلده مرامون
صبادن یولاسون کرببلایه (۲)
آه و واویلا گلوب ایام ماتم
دوشدی بحرِ ماتمه اولاد آدم
بو آی مولا ایچوب شهد شهادت
ویروب عشق اهلینه تعلیم غیرت (۲)
قیلوب عاشوریده عشقین نمازین
گورونموب دهریده بیله عبادت (۲)
آه و واویلا گلوب ایام ماتم
دوشدی بحرِ ماتمه اولاد آدم
ویروب دینه فدا دار و ندارین
طریقتده پوزوپ باغ و بهارین (۲)
مرامی جاوداندور تا جهان وار
علی اوغلی آلوب گویلون نگارین (۲)
آه و واویلا گلوب ایام ماتم
دوشدی بحرِ ماتمه اولاد آدم
اولوب تیر بلیاته نشانه
ایدوب ایفای عهدِ عاشقانه (۲)
آلوبدی دوغرانان نعشی ال اوسته
او میدان بلاده یانه یانه (۲)
آه و واویلا گلوب ایام ماتم
دوشدی بحرِ ماتمه اولاد آدم
چکوبدی اوخلاری بیر بیر کناره
نقدری سسلدی یوخ گوردی چاره (۲)
بویوردی آچ گوزون ای خوش خصالیم
علی جان اف اولا بو روزگاره (۲)
آه و واویلا گلوب ایام ماتم
دوشدی بحرِ ماتمه اولاد آدم
یولون گوزلور بالا بیچاره لیلا
آلوب زلفون اله دیلده بو نجوا (۲)
دیور یا ذوالکرم یا حی سبحان
بلادن اکبری حفظ ایت خدایا (۲)
آه و واویلا گلوب ایام ماتم
دوشدی بحرِ ماتمه اولاد آدم
دیزیم گلمور گیدم خیمه سرایه
سالوبدی ظل غم نعشونده سایه (۲)
اولا وای حالینه بیکس آناوین
یارالارون اوغول گلمز شماره (۲)
آه و واویلا گلوب ایام ماتم
دوشدی بحرِ ماتمه اولاد آدم
اولوبدی بانیِ شعریم سیاوش
خدا دیل آتشین تیز ایله خاموش (۲)
عزا بزمینده نالاندور سیه پوش
جزاده ایت حسینیله هم آغوش (۲)
آه و واویلا گلوب ایام ماتم
دوشدی بحرِ ماتمه اولاد آدم
- شنبه
- 1
- آذر
- 1399
- ساعت
- 23:10
- نوشته شده توسط
- یوسف اکبری
- شاعر:
-
حاج علی زلفی تبریزی
ارسال دیدگاه