گوزوم یاشیندا تجلا ائدن غمون سسیدی
بو مات کلمه‌لرین بُغضی ماتمون سسیدی
قولاق وئرون گینه دنیا دئیور حسینیم وای
گلوب تلاطمه دریا دئیور حسینیم وای
آلوب ساچین اَله زهرا دئیور حسینیم وای
جداده آغلادان عیسانی مریمون سسیدی
دوباره "سو" سوسوزوب، "اوتلار" اود دوتوب آلیشور
ربابیلن صودامر صبحه‌جک کوسوب باریشور
دوباره تشنه قالان مشکلر سودان دانیشور
دوباره یاندیران عباسی علقمون سسیدی
فراتین اوسته اسوب یِللرین سَرین زلفی
سپیلدی کوفیه یارب ملک لرین زلفی
ساچاخ ساچاخ اوخیور نوحه اکبرین زلفی
بو تِل صداسیدی یا قاره پرچمون سسیدی؟
صفاده سعی ائلیوردوم تاپام بوشعریمه آب
ائشیتدیم اوردا گلور نغمهٔ رباب رباب
دئدیم نه سسدی بو سس؟ کعبه‌دن یتیشدی جواب
دئدی بو زمزمه لر چاه زمزمون سسیدی
فضای غارته حاکمدی گوشواره سسی
سالور پیاده‌لری وحشته سواره سسی
دگوبدی بیربیرینه آی سسی ستاره سسی
قسم‌حسینه بوسسلر محرّمون سسیدی
دوباره همت ائدون سعی و کوشش ایلمگه
اورکده آتشِ هجران فروکش ایلمگه
گلوبدی محتشمون شعری "شورش" ایلمگه
کتیبه‌لرده‌کی سس "خَلق عالمون" سسیدی
(باز این چه شورش است که درخلق عالم است)
- شنبه
- 1
- آذر
- 1399
- ساعت
- 23:18
- نوشته شده توسط
- یوسف اکبری
- شاعر:
-
وفا منافی اردبیلی
ارسال دیدگاه