چکیلدی هر یئره قاره گینه نه ماتم دور
نظام عالم امکان ندندی برهم دور
نولوبدی اهل ولا باشه باغلییوبدی قرا
ندندی گوز توکوری اشک، دیل دولی غم دور
ندن اوشاق بویوگون خاطرین ملال دوتوب
باخیرسان هر یئره بزم عزادی پرچم دور
هلال قامتی خم ، عالمه ائدور اعلان
گلون فغان و نوایه بو آی محرم دور
بو آیدا فاطمه نون یخدی اهل کین ائوینی
نه ظلم اولوبدی حسینه هنوز مبهم دور
هر ایل قیامته جک محنتی اولار تکرار
نچون که نور دوعین عزیز عالم دور
بو غمده ارض و سما همصدا ائدیر ناله
بو بزم محنته بانی رسول اکرم دور
بیر ایش گوروبدی حسین عشقی پاک دیللرده
که حشره جک آدی پاینده‌دی معظم دور
بو آستانه ده بیر کیمسه اولمیوب نومید
بنای عشق ییخلماز بو قلعه محکم دور
باخاندا پرچمه کرب و بلا دوشور یادیما
گلیب دی موجه گوزوم یاشی مثل زمزم دور
نه کربلا که اسیر ائیلییوب ولا اهلین
او یئرده حضرت حق جلوه سی مجسم دور
نه کربلا که جلالتده کعبه دن باشدی
آتا بالا یارالی قبر ایچینده باهم دور
ئولونجه قاره گئیوب ساخلاروق عزا آقاما
حسینین عشقی بیزه هر ندن مقدم دور
شفادی کربُ بلا تربتی، آقامدی طبیب
رئوف دور آقامیز اهل درده همدم دور
اوزووی کشتیه سال اولما خوار و بیگانه
که سرّ عشقی بیلر هر او کس که محرم دور
منیمده روحیم حسین عشقینه اولور مدهوش
گواه گوزده کی بو قطره قطره شبنم دور
- یکشنبه
- 2
- آذر
- 1399
- ساعت
- 21:17
- نوشته شده توسط
- یوسف اکبری
- شاعر:
-
محمد هوشمند
ارسال دیدگاه