محرم گلنده نوایه گلون
قرا کوینگیلن عزایه گلون
اگر حاجتیز وار دعایه گلون
بدون ریا فاقد ادعا
سیزه ائیلیرم التماس دعا
محرم گلنده خانم فاطمه
اوزی باش چکر مجلس ماتمه
سیلر گوز یاشینی قرا پرچمه
گرگ واقعیـتلر اظهار اولا
مبادا حسین مجلسی خوار اولا
محرم گلنده ملکلر اَنَر
حسینیه لر باصفا گورسنر
کیمین واردی بو باره لرده هنر
حسین آدینی حرمتیلن دئسه
علملر ویرللر صفا مجلسه
محرم گلنده متین نیته
نه برنامه لر واریدی هیئته
بو محدودیت بیر آغیر قیمته
شیوعی آرایه سالیب فاصله
یول اوسته آقا لنگ اولوب غافله
مبادا بو بیر غربی نیرنگ اولا
بیزه ضعف آئین و فرهنگ اولا
حسینین عزا بزمی کمرنگ اولا
بهانه بساطی دوشه اللره
امام زمانی سالاق چوللره
خانم فاطمه گوزلریندن ایراق
بوگونلر حسین چکدی درد فراق
وطندن چیخیب ایتدی قصد عراق
یولوندا کمین ایلدی هربلا
خطر گاه اولوب عرصه ی کربلا
- یکشنبه
- 2
- آذر
- 1399
- ساعت
- 21:21
- نوشته شده توسط
- یوسف اکبری
- شاعر:
-
واصف مرندی
ارسال دیدگاه