سبط طاها پسر شاه ولایتدی حسین
گوهر بحر شرف،لنگر خلقتدی حسین
خامس آلعبا، زینت جنتدی حسین
دئمه لب تشنه،دئنن کوثر و زمزمدی حسین
آند اولا فاطمیه قطب دو عالمدی حسین
تربیت یافته ی مدرسهٔ خیر نسا
دست پروده ی سلطان شرف شیرخدا
سینه سی قلعه ی مستحکم آیات وفا
نه یازوم وصفینه،دریای شرافتدی حسین
خلقته علت اولان مدحه، کفایتدی حسین
علم منطقده دئیورسن باباسی طاهادی
اله شمشیری آلاندا ائله بیل مولادی
صبری داغلاردان آغیر،غیرتی مین دریادی
سینه سی مخزن اسرار خداوند جلی
عفّتی فاطمه،غیرتده همانند علی
دوغمیوب دوغمیاجاخ حشره کیمی مام جهان
صبریده کوه،شجاعتده اولا بحره نشان
منبری نوک جدا،محفلی گلزار جنان
لنگر کون و مکان،خلقت ایچون قائمه دی
آغادی،گُل پسر خیرنسا فاطمه دی
یتشوب ماه محرّم چکیلوب عرشه قرا
قدسیان قاره گیوب عرشه چیخوب آه و نوا
فرشیان حاضر اولوب دوتماقا،اعلان عزا
قاره کوینک بو یانان سینه لره مرهمدی
کعبه هرگون گیینوب قاره سراپا غمدی
سینه زن عشقیوه قربان اولوم احساسه گوره
باش یاروب،سینه ویریرسیز شرف النّاسه گوره
گلموسیز بزم حسینه آغام عباسه گوره
طور سینادی سینَز،حضرت موسی قربان
او آخان گوز یاشیزا،عرش معلّا قربان
بو آیون مثلی سویی خیملره باغلادولار
اوچ گجه عترت زهرانی سوسوز ساخلادولار
علوی قیزلارونون سینه لرین داغلادولار
باخدی لب تشنه لره،فخر منا و عرفه
سینه سوزان غمینی،سویلدی شاهِ نجفه
بو آیون مثلی حرامیدی جدالیله،جهاد
کربلانی ایلدی محشر او گون اهل عناد
کوفه ده جشن بپا ائتدی ولی ابن زیاد
داشلادی قوم شقاوت،شرف اولدوزلارینی
ائتدی آواره فلک فاطمه نون قیزلارینی
سیندیروب دست قضا پادشهین شهپرینی
اوغلونون داغی توکوب عرصه ده بال و پرینی
یغیشوب دوغرادولار کوفه لیلر اکبرینی
اهل کین ایلدیلر کینه لرین دیلده بروز
منقذ اؤلدوردی شبیه شه بطحانی سوسوز
آیریلوب حرمله صفدن،الینه آلدی کمان
اذن آلوب زاده‌ی معلونه دن او کینه روان
صول گوزون یومدی،دیزین ویردی یره‌دوتدی نشان
اوخ گلوب زوزه کشان،حلقینی قانه بویادی
آیروب باشی بدندن،یارا گور نه یارادی
شعریمین بانیسی ای اهل عزا (عامیلدی)
نوحه خوانلار باغینین،گوللرینون سر گولیدی
اوزی سیّدی،خانم فاطمنون سئوگولیدی
یازا بولمزدی «فقیر» عشق حسین ایتدی رقم
مِهر زهرا اورکیمده اولا،برزخده نه غم
- یکشنبه
- 2
- آذر
- 1399
- ساعت
- 21:23
- نوشته شده توسط
- یوسف اکبری
- شاعر:
-
مجید قلعه بیگی
ارسال دیدگاه