باتدی‌گون‌گلدی گئجه باغریم اولوب قان یارالی
من سنه هاردا دوتوم شام غریبان یارالی
یارالی جان یارالی قاننه غلطان یارالی
زینبون جانی اولا جانیوه قربان یارالی
هله عریان بدنون یرده پریشاندی حسین
بوغموندن اورگیم لاله صفت قاندی حسین
اوت ویریب کوفه‌لیلر خیمه‌لریم یاندی حسین
من سنه هاردا دوتوم شام غریبان یارالی
شرح‌ائدیم‌هانسی‌غمی دلده غمیم چوخدی حسین
هرغمیم بویارالی قلبده بیر اوخدی حسین
بیرچادر وئرمسه سعداوغلی ائویم یوخدی حسین
من سنه هاردا دوتوم شام غریبان یارالی
باغبان ئولسه حسین‌گللری گلشنده سولار
غم دوتار گلشنی بلبل اورگی غمله دولار
رسمدیر هر ئولنون شام غریبانی اولار
من سنه هاردا دوتوم شام غریبان یارالی
قلبیم آکنده اولوب دردیله طوفان گئجه‌سی
شب وصلت‌قوتاریب باشلادی‌هجران گئجه‌سی
یاس دوتالار ئولنه شام غریبان گئجه‌سی
من سنه هاردا دوتوم شام غریبان یارالی
بیر قوشام یاره لیم صید ایلیوبلر بالامی
نه‌یانان‌حالیمه نه‌خشک ایلین وار یارامی
اووچولار حمله ائدوبلر داغیدوبلار یووامی
من سنه هاردا دوتوم شام غریبان یارالی
گون باتاندان بوچولی زار وپریشان گزورم
بالالارون داغیلوب چوللره گریان گزورم
لانه سیز قوش کیمی آواره و ویلان گزورم
من سنه هاردا دوتوم شام غریبان یارالی
- سه شنبه
- 4
- آذر
- 1399
- ساعت
- 13:11
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه