اَسما دِیَر که فاطمیه شاه انس و جان
آغلار گوزیله غسل ویروب نصف شب نهان
باخدوقجا مغسل اوسته او دم اوز نگارینه
خون دیلون روانه اِیدوردی عذارینه
ایله سزیلدیردی سینخ نی کیمی مدام
قلبیم یانوردی درد و غم آشکارینه
بیر لَحنیله دیوردی که وای حالیمه منیم
لرزه دوشوردی یکسره یصرب دیارینه
مسمار یاره سی او گیجه آغلادوقجا قان
داغ دگر چکیردی دل داغدارینه
غسلون ویرینجه چکدی نَلر بیر خدا بولور
قلب شریفی یاندی او محنت شرارینه
ایستکلی یار یارینه غسل ویرر مگر
سالدی فلک، او شاهی بو محنت مدارینه
بیر نچه دفعه اولدی دیریلدی امام وقت
اما دوام اِیلدی غملر فشارینه
هر دم باخوردی سینه ده کاری یاراسینه
باخدوقجا اود ویروردی او هجر اشکبارینه
لمس ایلینده اللری مسمار یاره سین
چکدی سرشکی پرده دو چشم خمارینه
فکر ایلدیم که گورسه صولان صورتین اگر
وار ممکنی که ال آپارا ذلفقارینه
اما او دم که معجرینی ایلدی کنار
آهسته بولمدیم نه دیدی یار یارینه
سس چکدی آغلادی اوجادان مرتضی علی
حسرت گوزیله باخدی پیمبر جوارینه
گوردوم دیور پیامبر رحمت هرایه گل
لطف اِیت ئوزون یتور آقا زهرا کنارینه
بولدوم گوزونده جلوه لنور غم نشانه سی
قلبیم دوام اِیتمدی اول حال زارینه
عرض اِیلدیم بو شدتیله آغلوسان نَدَن
آگه اِیله بو بیر خبر ناگوارینه
نطقه گلوب بویوردی امام زمن منه
قلبیم یانور ولایتین آیینه دارینه
مسمار علاوه باغریمی قان ایلیوب منیم
صدمه یتوبدی ظلمیله زهرا عذارینه
پیغنبرین امانتینه ال آچوبدلار
داغ دگر چکوبله دل داغدارینه
نیلی اولوبدی صورتی قان آغلادور منی
غم لشکری اودور که سالوبدی حصارینه
.عمروم بویی بو نیسکیله قان آغلیام گرک
قان آغلامور گوزوم بو دم اوز اختیارینه
الدن آلوبلا جبریله دار و نداریمی
آرتوق جفا ایدوبدوله صبر و قراریمه
قبره قویاندا وای منه گر دست مصطفی
گورسنسه آرتاجاخ اورکین غصّه بارینه
بیر یول بویورسا آیینه قلبیمی سینوب
بسدور بو سوز مماتیمین انجام کارینه
آسان سایما بو غم عظمانی حیدره
درد آرتروبدی نیسکیلی غم شهریارینه
بولدون نَدن دوتاردی یوزون فاطمه منه
جانیم فدا اولا بو دل بردبارینه
گیزلتممیشدی فاطمه مندن اورک سوزون
من واقفم اورکده غم بیشمارینه
مانع اولوب حیاسی اودور آچمیوب سوزون
درد دیلون دیوبدی فقط کردگارینه
تقدیره باخ بو یرده قضا اقتضا اِیدوب
گیزلین قالوبدی سرّی بو غملر دچارینه
هیهات بیرده قلبیم آچیلسون بو غصًه دن
بیر غصه که اولوبدی سبب احتضارینه
پیغمبرین وصیتینه باغلیدور قولوم
یوخسا سالاردیم اوت بولارین روزگارینه
نیسکیل اولور که شهر پیمبرده فاطمه
گیزلین گیدور اورکده یارا ئوز مزارینه؟
توشه اولار بو نوحه لرون محشره (عتیق)
چون که قلم الونده آخیر اوز آخارینه
بیر عده نی بیرعده آلوب روزگاریده
سن باخما جیره خواریلرین جیره خوارینه
یاز نوحه آغلا جیره وی زهرا ئوزی ویرر
دخت نبی محبت ایدر ئوز هَزارینه
اغیاریله نه نسبتی زهرا سوونلرین
عاشق اودور که عاشق اولا سازگارینه
منبع:کانال مدح و مرثیه
- چهارشنبه
- 5
- آذر
- 1399
- ساعت
- 19:54
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه