دفن اِیلینده فاطمه نی شاه لافتا
گوردی گوزونده جلوه لنور دست مصطفی
آغلار گوزیله سسلدی ای سرور گرام
جانیم فدا او اللره که اولدی برملا
یِتدون غریبه وقتیده امدادیمه منیم
دوتدون گینه علینین اَلین اِیلدون عطا
زهرانی قبره تاپشیرا بولموردی مرتضی
اولدون گره گشایه دوباره گره گشا
ایستکلی یار ، یاری نجّه قبره تاپشیرار
وِردیم دیلیمده اولموشدی وا مصیبتا
پی در خطور خاطر اولوردی محبتی
جاندان آلوردی جان بو محنتلی ماجرا
ای اهل عالمین یتیشن دادینه، بو دم
روحیم چوخ آز قالوردی اولا جسمیدن جدا
آل مندن اِیندی آیینه قلبیوی ئوزون
باخ گور نئدیب امانتیوه فرقه دغا
آهسته آل که سینه ده کاری یاراسی وار
قورخوم بودور که آغلیا قان قبریده یارا
مسماریله نه نسبتی وار داغلی سینه نین
واردور یری علینی بو غم یاندروب یاخا
چوخ ظلم اولوبدی فاطمیه روزگاریده
امت جهاندا ایلمدی عهدینه وفا
اولدوردولر امانتیوی مین جفایله
غمدن بوکولدی قامتی یا ختم الانبیا
درگاهی اودلاناندا علاوه سینوب قولی
دل یاره سی ویروبدولا بی حد و منتها
ارثیه سین جفایله غصب ایلدی عدو
تایید ایدوب بو ظلمی بوتون قوم بی حیا
البته حقّین اِیلدی اثبات فاطمه
آلدی فدک قباله سین ای فخر اوصیا
سویلر حسن که ثانی اوگون سد راه اِیدوب
سَسلندی فاطمه یِتیشیب ماجرا هارا
فرمایش ایلیوبدی که آلدوم قباله نی
باشین سالوب اَشاقه دوباره دوشوب یولا
ناگه گوروب که سَسلور اَیاق ساخلا فاطمه
ویر ملکیوین قباله سینی من باخوم اونا
مانع اولوبدی فاطمه بو فعله، عاقبت
محشر به پا اولوبدی او دم کوچه ده شَها
ظالم علاوه اَلدن آلوبدور قباله سین
سیلی ویروب عذارینه ایلوب بویوک خطا
مدتدی که دوتاردی یوزون فاطمه منه
ایستردی مندن اِیلیه بو ظلمی اختفا
غسلون ویرنده ، سرّی نَدور فاش اولوب منه
اِولدی مشیّت ازلی حیدره قضا
عمروم بویی بو غملره قان آغلیام گرک
شیر خدا اولوبدی قضایایه مبتلا
خوش حالیوه عتیق نَیون یوخ زمانه ده
زهرا آدی ویروبدی سنون قلبیوه صفا
منبع:کانال مدح و مرثیه
- چهارشنبه
- 5
- آذر
- 1399
- ساعت
- 20:15
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه