تاپیب وقوف علی ظلم قوم عدوانه
سالیب بو کینه شرر، قلب شاه مردانه
گوروب که یاندیریری تاب آفتاب حرور
او گللری که صفادور ریاض ایمانه
حسینیله حسنین عارضی سولوبدی گل تک
اسوب سموم خزان گوئیا گلستانه
حجاز ایسسی، گون سوزی تاب فرسادور
چتندی صبر، ایله بیر هوای سوزانه
بنای کونه اولان علت دوام و بقا
قیام ایلدی بنای بیت الاحزانه
پیمبرین قیزی بیت الحزنده نشین اولدی
نسیم صبح خبر ایله پیر کنعانه
اساس شیون او یرده بتول ائدیب برپا
آتاسی ختم رسالت، حبیب سبحانه
تمام ماخلق الله مستعد نوا
پیمبر عربی شهریار امکانه
بتول ناله سی انگیزه نوا اولدی
تمام انفس و آفاق گلدی افغانه
دل آچدی نالیه ذرات عالم هستی
شهود و غیب، رسوله اولوب عزاخانه
دئینده فاطمه سوز دلیله واابتا
اولوبدی جن و ملک هم صدا او نالانه
یری گویی بورویوب وا محمدا شوری
نفوذ ایدوبدی حریم ریاض رضوانه
فضاده موج ویریر ایندیده او ناله سسی
یانار شرارینه هر آشنا و بیگانه
سن ای چراغ هدایت نه تئز خموش اولدون
که اولدی ظلمت غم چیره سطح کیهانه
سن ای خطاب لعمرک مخاطبی دوزدون
زبسکه کینه اشرار سست پیمانه
دویوب حیاتیدن، ایتدون جهانی ترک، ولی
قیزون مصادف اولوب نائبات دورانه
قاپبم یانوب، بالام اولدی شهید ظلمیله
فلک عم اوغلومی مقهور ائتدی دونانه
تظلم ایلدی پیغمبره ایکی خاتون
بیری مدینه ده زهرا او شاهه ریحانه
بیری ده قتلگه کربلاده زینبیدی
دوشنده گوزلری نعش امیر عطشانه
مدینه سمتنه اوز دوتدی دلده آتش آه
یانان دلیله ندا ائتدی یا رسول الله
بو جسمی قاننه غلطان سنون حسینوندور
یر اوزره پیکری عریان سنون حسینوندور
منبع:کانال مدح و مرثیه
- چهارشنبه
- 5
- آذر
- 1399
- ساعت
- 20:46
- نوشته شده توسط
- یوسف اکبری
- شاعر:
-
حاج حسین عابد
ارسال دیدگاه