ای سپهر عظمت اختری ای جان جهان
مهدی فاطمه ای ماخلقه روح و روان
آلتی آیلیق بالانون حرمله دن قانین آلان
سن اگر پرده دالیندان ئوزووی ائتسون عیان
یولووا ساغر معنا جالانار یا مهدی
باشووا اهل تولا دولانار یا مهدی
سنه تعریف یازا خامه و دیوان تلسور
دیمگه مدحووی دیلدنده قاباق جان تلسور
چهرووی گورسه اگر گون اوتانار یا مهدی
باشووا ملت ایران دولانار یا مهدی
کعبه دن باخسون اگر ملک خراسانه طرف
یولووی سالسون اگر مهد دلیرانه طرف
ایاقون قویسون اگر کشور ایرانه طرف
قونسا گرد قدمون قبر شهیدانه طرف
جانلارون شمعی جوارونده یانار یا مهدی
باشووا روح شهیدان دولانار یا مهدی
آز قالور دولدورا دنیانی اقا فسق و فجور
منتظردور یولووا امت باشور و شعور
یول گودور جان وئره فرمانووه مردان غیور
مکه ده سن ائلیین وقتیده اعلام حضور
خواب غفلتده یاتانلار اویانار یامهدی
باشووا محرم اولانلار دولانار یامهدی
- جمعه
- 7
- آذر
- 1399
- ساعت
- 19:46
- نوشته شده توسط
- یوسف اکبری
- شاعر:
-
فرهنگ خدایی
ارسال دیدگاه