من علینون قیزیام درد و غم آغلاتدی منی
کسیلن قوللاری صاحب علم آغلاتدی منی
بار الها نجه گور غم منی ویران ايلیوب
یدّی قارداشی اولان زینبی ویلان ايلیوب
دشمنین قوردوغو تور قيزلاری نالان ايلیوب
اوت دوشنده بابامین همسری آغلاتدی منی
یادیمه دوشدی بقیعنون دری آغلاتدی منی
اول ابالفضلی کی هر آن دولاناردی باشیما
راضی اولمازدی بو احوالیمه یا گوز یاشیما
کوفیان ظلم ايلیوبلر اوجا بوی قارداشیما
اول علمدارین اوجا قامتی آغلاتدی منی
یوزو اوسته یخلوب محنتی آغلاتدی منی
نیلیوم چاره سیزم یوخدی بیر امداد ائلین
یاخامی شمرین الیندن گلوب آزاد ائلین
نیه یوخدور بو رقیّه بالامی شاد ائلین
بو رقیّه قیزیمون سوزلری آغلاتدی منی
ظلمیلن اوتدا یانان معجری آغلاتدیمنی
اکبر و اصغر و قاسم هامیسی قانه باتوب
ئولدروب اونلاری لشکر بوگون اهدافه چاتوب
نهر علقمده ابالفضلِ دل آراده یاتوب
اکبرین پاره لنن پیکری آغلاتدی منی
آلتی آیلیق بالامین حنجری آغلاتدی منی
ای منه یاور ویولداش سسیمه سس ويرحسین
یاتماگودالیده قارداش سسیمه سس ويرحسین
توکورم چهریه قانیاش سسیمه سس ويرحسین
قلبیوون یاره سی قارداش بو دم آغلاتدی منی
اتدیگون قاتله لطف و کرم آغلاتدی منی
ای فراتین سویی لب تشنه لرین قاتلسن
چونکه یوخ سنده وفا قاتل و هم باطلسن
آخموسان چوللره از بس کی بیزه غافلسن
سنه یالواردی علی لبلری آغلاتدی منی
ويرمدون اصغره سو حنجری آغلاتدی منی
زینبین آغلاماقی قلبیمی ویران ایده جک
بو گجه بو قلمیم عشقیله طوفان ایده جک
- یکشنبه
- 9
- آذر
- 1399
- ساعت
- 22:18
- نوشته شده توسط
- یوسف اکبری
ارسال دیدگاه