مقام افضل خلقت مقام زینبدی
نقدری دهریده شاه وارغلام زینبدی
مدافعان حرم مست جام زینبدی
کیم اولسا سائل درگاهی هست ائدر زینب
دوز عاشقین ایکی دنیاده مست ائدرزینب
نه زینب عاشقه اطیب مزاری رضواندی
نه زینب حورو ملک درگهینده درباندی
نه زینب عشق وشرف معجرینده پنهاندی
نه زینب عقلیده حیران قالوبدی مدحتینه
دل آلتی شمریده احسن دیوبدی غیرتینه
نه زینب اقدس آدی مست ائدور عزاداری
اولوبدی الی بش ایل مکتبون هواداری
سالوبدی دام بلایه گروه اشراری
نه زینب عامل حق اولدی شاه محشر تک
امیر مفسدی رسوا ائدیبدی حیدر تک
اسیر ملک ولا فکری ناب و قاطع اولار
شرافت اولماسا انساندا عبدضایع اولار
کیم امسه شیر شرف زینبه مدافع اولار
مدافعان حرم جانینون فداسی اولوم
گوزوم ضیاسی سلیمانینون فداسی اولوم
بولاردی محو الین قوم فاسد و رذلی
ائدیبلر عشقیله معنا شرافت و فضلی
بولاردی سوریه ده زینبین ابالفضلی
مدافعان حرم کیم دیور هدفسیزدی
مدافعانه اهانت ائدن شرفسیزدی
بو بند شعریده قصدیم ادای مطلبدی
بلادن حفظ ائدن ایرانی دین ومکتبدی
بیرعده باشدان آتوب دینی مست منصبدی
جهان فانیده یوز مین جورا سیاستی وار
حسین حسین دیور اما یزیده بیعتی وار
بیر عده سوز دانشور عین طبل تو خالی
رفاه و نعمتیلن هرگونو کچور عالی
بیر عده سوریه شهرینده غملیدور حالی
طریق زینبی دنیاده کج گئدن نه بیلور
مدافع ارزشینی اختلاس ائدن نه بیلور
- دوشنبه
- 10
- آذر
- 1399
- ساعت
- 22:27
- نوشته شده توسط
- یوسف اکبری
- شاعر:
-
استاد محمد فیروزی
ارسال دیدگاه