ای خدا بو درد بی درمانه درمان ایستروخ
بنده لرده قالمیوب جان تازه دن جان ایستروخ
آدیمیز گر بنده دور لیكن هامی شرمنده یوخ
سن بولورسن بارالها بیز نه نوعی بنده یوخ
بوندان آرتوخ تابیمیز یوخ طعنۀ دشمنده یوخ
بو بلانین دفعینی ای حی سبحان ایستروخ
بیز سنی وئروخ قسم آل عبایه ای خدا
مصطفا و مرتضا خیرالنسایه ای خدا
مجتبایه هم ذبیحاً من قفایه ای خدا
چاره سیز درده دوا یارب رحمان ایستروخ
امتون ایلوب پریشان بو بلا یا مصطفا
سن اوزون فریاده یت بهر خدا یا مصطفا
بوندان آرتوخ خوار اولاخ اولما رضا یا مصطفا
رحمتاً لِلعالمین سن لطف و احسان ایستروخ
قالمیسان بس هاردا اولدی گوگلیمیز قان یاعلی
شیعه لر بو غمده اولموش چوخ پریشان یاعلی
سسلروخ تا وار نفس یا شاه مردان یا علی
داده یت آسوده لوخ یا شاه مردان ایستروخ
یتمسه سندن بیزه بیر لطف اگر یا فاطمه
بو «وبا» ایلر بیزی خونین جگر یا فاطمه
اولموشوخ دریای غمده غوطه ور یا فاطمه
آغلاروخ اوغلون حسینه آه و افغان ایستروخ
- دوشنبه
- 10
- آذر
- 1399
- ساعت
- 23:5
- نوشته شده توسط
- یوسف اکبری
- شاعر:
-
مرحوم مشهدی اصغر دلریش
ارسال دیدگاه