• سه شنبه ۱۴ مرداد ۰۴

 سید تقی سیفی اردبیلی

عشق حسینی -(من درس ریا آلمامیشام دار فنادن)

۷۱۰

من درس ریا آلمامشام دار فنادن
فیض آختارانام سیروسلوک عرفادن

نه گوهر وجدان ساتانام جیفۀ دهره
نه اخذ ایدرم رشوۀ کاذب فقرادن

بی واهمه ام حقّی یازوب حقّی دیمکده
آسوده دلم فتنۀ هر بی سر و پادن

اولماز قلمیم خانیله خاقانه مُبَلّغ
امداد آلارم ذات حَقِ جَلّ عَلادن

نه بندۀ سیم و زرو نه بَردۀ زورم
کسب ایلمشم غیرتی شاه شهدادن

شمشیر دو پهنا کَسَری وار قلمیم ده
شعریمده مُبَرّادی اشارات ریادن

بی لکّه دی اگنیمده که پیراهن عشقیم
خدمت قیزلیم دلبره خالصدی طلادن

دلداده لگیمده منه زینبدی مدرّس
ئورگنمشم ایثاری رئیس اسرادن

فخریم بودی عالمده که آزاده مرامم
هیهات غروریم سنا مَکر طلقادن

حُرّ سَرِ بازار تَوَلّای حسینم
ال چکمرم ئوز باغلادقیم عهد و وفادن

ایللردی که مجنون شَه نیزه سوارم
عزّت قازانوب نوحه لریم بَزم عزادن

جسمیمده عَلی اَلقاعده تپراقه بوکولسَه
روحیم منیم آیریلمیاجاق کربُ بلادن

  • سه شنبه
  • ۱۱
  • آذر
  • ۱۳۹۹
  • ساعت
  • ۲۳:۲
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران