یا صاحب الزمان تزه ایلده ظهور ائله
بو جمعه گل اورکلری غرق سرور ائله
خفاش خو جماعتی سن دامه سال اوزون
نور حقیله گوزلرین الساعه کور ائله
ظلمات آلوب جهانی آقا گل یوبانما چوخ
مصباح عدلی روشن ائدوب ظلمی دور ائله
تاریک اولوبدی قلب ائوی دلدن ضیا گئدوب
گوز گوشه سیله باخ اورگی مهد نور ائله
موسی بابان شهادتیدور اولی ایلین
گل آشکاره کوچه ی غمدن عبور ائله
"زعفر" دوتوبدی دامنووی ال چکن دگول
وئر وعده ی ظهور آقا قلبین صبور ائله
- چهارشنبه
- 12
- آذر
- 1399
- ساعت
- 22:51
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه