عارفا ام ابیهاده باخون معنایه
اوز قیزی حکمتیلن مادر اولوب طاهایه
کشف راز ایله بو بیر نکته ایلن حکمتی تاپ
وئروب الله نه قدر مرتبه گور زهرايه
مصطفایه بالا همده آنا محسوب ائلیوب
همده معصومیدی عصمتده اونا همپایه
نوری نوریله قاتوبدی ایلیوب نورا نور
ایکی معصومی ائدوب بیر بیرینه پیرایه
ختم پیغمبری الله خانیما وئرمیش اوغول
ظاهراً آمنه گرچه گتوروب دنیایه
وار یری عالم معناده تزه مولودی
تهنیت عرض ائلیک فاطمه ی عذرایه
خانیمی عفتینه عصمتینه آند وئرک
کسمسین هر ایکی دنیا باشیمیزدان سایه
یوم محشرده آچا تا که شفاعت قاپوسین
آل طاهایه بیزی اوردا ائده همسایه
"زعفرین" چوخدی خطاسی اونا باخسون ویژه
لطفین ائتسون او خطا کار الینه سرمایه
اورگین عشق حسینیتیلن دولدورسون
آغلاسین حشره کیمی تشنه ئولن مولايه
- شنبه
- 15
- آذر
- 1399
- ساعت
- 22:31
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه