اولدی جنّاتیده کوثر خروشان
عندلیب صفا اولموش غزلخوان
آچدی گوز عالمه مصداق کوثر
نقش کفره چکیلدی خط بطلان
((تاپدی غم خاتمه - آچدی گوز فاطمه
جشن میلادیدور - اولسون مبارک))
میوه قلب پیغمبردی زهرا
انجلای دل حیدردی زهرا
صاحب مجدو شأن و عزّ و شوکت
کشتی رحمته لنگردی زهرا
((دردلرین دافعی - محشرین شافعی
جشن میلادیدور - اولسون مبارک))
ماه تابان برج هل اتیٰ دی
نور چشمان شاه لافتیٰ دی
حق یارالدیب بونی رحمت جهانه
پاک آدی هر غم و درده دوادی
((بسلیاخ یادینی - سسلیاخ آدینی
جشن میلادیدور - اولسون مبارک))
ای اولان مُصحفی سرّ تبارک
مکتب شیعیه بیر عالی مدرک
سس سسه شیعه لروئرسون بو گونده
مقدمون فاطمه اولسون مبارک
((باغ عشقین گولی - مصطفی سویگولی
جشن میلادیدور - اولسون مبارک))
حق وئروب شیعیه کنز وفانی
سر فراز ایلیوبدور مصطفانی
تاپدی دین گلشنی شور و طراوت
گلدی گلزار عشقین نغمه خوانی
((گلدی کان عطا - گلدی کنز سخا
جشن میلادیدور - اولسون مبارک))
حبّ زهرانی شیعه دلده بسلر
آدینی روز و شب عشقیله سسلر
جشن میلادینا آد یازدیرانلار
درگهوندن بوگون بایراملیق ایستر
((دلبر مرتضی - درده ایلر دوا
جشن میلادیدور - اولسون مبارک))
- شنبه
- 15
- آذر
- 1399
- ساعت
- 22:54
- نوشته شده توسط
- یوسف اکبری
- شاعر:
-
محمد علی مصیبی
ارسال دیدگاه