گل ای دلدار بلا کش عم اوغلی
باشیم اوسته بیردم اگلش عم اوغلی
گوزون یاشین توک اورک سرین اولسون
و اِلّا سؤنمز بو آتش عم اوغلی
منیم تاجداریم خداحافظ
کمکسیز نگاریم خداحافظ
بو مدتده دؤزدی هر غمه زهرا
آدون دائم ائتدی زمزمه زهرا
قسم اولسون زینب و حسنینه
وصالون وئرمز مین عالمه زهرا
یتوب احتضاریم خداحافظ
کمکسیز نگاریم خداحافظ
خداحافظ ای غریب مدینه
سنی تاپشوردوم خدای معینه
حسینی قویما قوجاقیمه گلسون
علیجان نیلوم یارالیدی سینه
گئدوب اختیاریم خداحافظ
کمکسیز نگاریم خداحافظ
دئمم سیندی شهپریم سنه خاطر
یانار بلبل اوتدا گلشنه خاطر
ئوزوم وئردیم محسنی سنه قربان
علی سنده صبر ائله منه خاطر
شه بردباریم خداحافظ
کمکسیز نگاریم خداحافظ
- یکشنبه
- 16
- آذر
- 1399
- ساعت
- 23:15
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه