فرقتونده فاطمه هر صبح و هر شام آغلارام
روحوم اولماز محنتوندن لحظه آرام آغلارام
صبحیدن شامه کیمی ایوده اوتوررام غصه دار
درد بی درمانیوه بی وقفه یانام آغلارام
هر گیجه گللم مزارینده سنین دیداریوه
اگلشوب اوللام دوباره غرق آلام آغلارام
منزله گلجک ده گوررم باشلانوب بزم عزا
زینب اوخشار ای جهاندان آلمیان کام آغلارام
بزم ماتم قورتولار باشلار اوشاقلار یاتماقا
هر گیجه اوللام پرستار بو ایتام آغلارام
چوخ سفارش ایلیردین یاتماسین عطشان حسین
قویجاقین بالینینه هر لحظه که جام آغلارام
آیری بیر اوضاعیدور سنسیز علینین حالتی
اگلشیب گاهدان به یاد گیچمیش ایام آغلارام
دوشموشم بیر درده زهرا تک ئولوم دور چاره سی
ایللر آیلار اگلشوب هر صبح و آخشام آغلارام
بیز همان سنگین اماناتوخ که دوشدوخ قدریدن
بیر سکوتیله ائدوب تاریخه اعلام آغلارام
دیزلرون دایم قوجاخلار حیدر خیبر گشای
اولمازیدی بوندان آرتیخ غملی فرجام آغلارام
ذوالفقاریله ائدردیم عالمی زیر و زبر
ایندی اما خاطر ابقای اسلام آغلارام
بیر زمان آلمازدی بو امت سلامیم فاطمه
انزواده قویدولار عمال بدنام آغلارام
ایندی بو امتده یوخدور حیدره بیر ایش ویرن
شرمسارانه ائوه آتدوقجا هر گام آغلارام
شهر علمیدی آتان منده او شهرین بابیم
اولموشام خانه نشین بی هیچ اقدام . آغلارام
کارگرلیق ایلیرم اغیاره ناچارا ئوزوم
مزدیمی تا صاحب کاریمدن آللام آغلارام
ئوز الیمله قازمیشام چوخ چاه نخلستانیده
دردیمی آلامیمی من چاهه ساللام آغلارام
بیعت ائتدی حیدریلن بیر گونی یوز یرمی مین
ائتدیلر بو حقیمی بیر گونده اعدام آغلارام
نه بصیرت وار بو امتده نه ذره فهم و دین
بربریت فکری باشلاردا ( کالانعام) ، آغلارام
حقیمی غصب ایلینلر سیندیریبلار حرمتیم
ئوز مسیریندن چخوب اجرای احکام آغلارام
یثرب اولموش گوئیا شعب ابوطالب منه
کفریلن کینه اولوب بیر بیرده ادغام آغلارام
صبریمی بیر دفعه محسن محنتی تاراج ائدوب
صدر مسجدده گورنده قاتل حکام آغلارام
ثلث سادات جهانی ثانی ئولدورموش یقین
گوئیا کشتار ساداتی ائدوب عام آغلارام
طرفة العینی خدایه اولمویوب ایمانلاری
مسندیم تسخیر ائدیب پیران خودکام آغلارام
- دوشنبه
- 17
- آذر
- 1399
- ساعت
- 11:3
- نوشته شده توسط
- یوسف اکبری
- شاعر:
-
کربلایی رحیم شایان
ارسال دیدگاه