ترک ائتدی بو دنیانی سردار سلیمانی
آغلاتدی احبانی سردار سلیمانی
هجرینده یانان دلدن قوزاندی گویه ناله
یاندیقجا اورک ،گوزلر رخساره دوزوب ژاله
گلزار عطوفتده فریاد ائلیوب لاله
سالدی غمه بستانی سردار سلیمانی
قاسم کیمی پخش اولدی بو قاسمین اعضاسی
اکبر کیمی دوغراندی اول قامت رعناسی
تندن قلم اولموشدی بازوی تواناسی
یاد ایلدی سقانی سردار سلیمانی
هم ذکر و عبادتده همواره ثواب ائتدی
هم مالک اشتر تک دعوالره تاب ائتدی
آخرده حبیب آسا قانیله خضاب ائتدی
حفظ ایلدی ایمانی سردار سلیمانی
الله ایکی دنیاده وئردی اونا شخصیت
صهبای شهادتدن لطفیندن ائدوب قسمت
بلکه یورولان روحی برزخده اولا راحت
سیر ایلیه رضوانی سردار سلیمانی
میدان شجاعتده رزمینده ائدوب دقت
بیر عمر جهادیله دینه ائلدی خدمت
بو مرد سلحشورین قاتللرینه لعنت
خوار ایلدی اعدانی سردار سلیمانی
گر ملت آزاده ایستور هدفه یتسون
لازمدی بو سردارین صدقیله یولین گئتسون
لبیک حسین دلده مردانه جهاد ائتسون
کام آلدی حسین جانی سردار سلیمانی
یاز بو سوزی دفترده آغلار گوزيله"زعفر"
آغلوردی بو سرداره هم ملت و هم رهبر
اولدی هامی عالمده دللرده آدی ازبر
فتح ایلدی دنیانی سردار سلیمانی
- دوشنبه
- 17
- آذر
- 1399
- ساعت
- 11:9
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه