ای علینون غمگساری یاتما زهرا جان اویان
وی پیمبر یادگاری یاتما زهرا جان اویان
ای منی آغلار قویان
یاتما زهرا جان اویان
سولدی گلزاربم فراقونده سارالدی گللریم
چون خزان اولموش بهاریم غملیدی بلبللریم
باخدویقجا گلشنه افزون اولور نسگللریم
عمریمون سولموش بهاری یاتمازهراجان اویان
ای منی آغلار قویان
یاتما زهرا جان اویان
گوندوزوم داغ فراقونده اولوبدورشام تار
گوزلرون آچ گور منی سالمیش نه حاله روزگار
دویموشام سن سیز حیاتیمدن گیدوب صبر وقرار
حیدرون صبر و قراری یاتما زهراجان اویان
ای منی آغلار قویان
یاتما زهرا جان اویان
سن سیز عالمده علی مونس اولوب درد و غمه
گوز یاشیم قانه دونوب دیل غرق اولوبدور ماتمه
هرگئجه گوندوز اولوب ذکردیلیم یافاطمه
قلبیمون غملی نگاری یاتما زهرا جان اویان
ای منی آغلار قویان
یاتما زهرا جان اویان
عالمون مظلومه سی مظلوم علی تنها قالوب
ابر آلام زمانه باشیمه سایه سالوب
موطنیمده بیکسم آرامیمی غملر الوب
حیدرون دار و نداری یاتمام زهرا جان اویان
ای منی آغلار قویان
یاتما زهرا جان اویان
آغلیور محزون آخوندی ایلیور آه و نوا
دار دنیانی غمون ایتمیش اونا ماتمسرا
دمبدم سسلور سنی حاجاتینی ایله روا
واردی درد بیشماری یاتما زهرا جان اویان
ای منی آغلا قویان
یاتما زهراجان اویان