آشوب تلي حسين ميدانه ساری
تاپوب قان ايچره بير قولسیز نگاری
آلوب آغوشينه ايستکلي ياری
بويوردی ايت بو يالقوز شاهه ياری
ابوالفضليم ابوالفضليم ابوالفضل
منيم ای قهرمانیم ياوريم دور
اميديم جان به کف رزم آوریم دور
علمداریم امير لشکريم دور
اويان شير خدانون يادگاری
ابوالفضليم ابوالفضليم ابوالفضل
اویان آرخام ائليم ياتما بو چولده
گوزوم ياشين قانا قاتما بوچولده
منی گوزدن بئله آتما بوچولده
اولوبدور گوز ياشيم رخساره جاری
ابوالفضليم ابوالفضليم ابوالفضل
سنون ميعاد عشقون کربلا دور
کسیلمیش قولارون تندن جدادور
اياقدان با شه گل جسمون يارادور
پوزوب حالون بو بی کس شهریاری
ابوالفضليم ابوالفضليم ابوالفضل
عمود آهنين دگميش باشوندان
سینوب باشون آخور قان گوز قاشوندان
ال اوزدون سن آدامسیز قارداشوندان
بو ياتماقون آلوب ديلدن قراری
ابوالفضليم ابوالفضليم ابوالفضل
بدن ياره جبین ياره سینوب باش
سنی بو حالیده گورميديم ايکاش
منيلن دور گيدک خرگاهه قارداش
گيدوم سن سيز نجه اخيامه ساری
ابوالفضليم ابوالفضليم ابوالفضل
آخوندی من کيمين دیلده نواسی
مريض عشقيدور درد آشناسی
عزا بزمي اولوب دارالشّفاسی
نظردن سالما بو بيمار زاری
ابوالفضليم ابوالفضليم ابوالفضل
- چهارشنبه
- 19
- آذر
- 1399
- ساعت
- 0:13
- نوشته شده توسط
- یوسف اکبری
- شاعر:
-
مجید آخته
ارسال دیدگاه