اوز آنام فاطمه کربلاده
قولسیز عباسینی سالدی یاده
امر ایدوبدور منه دیده گریان
سسله گلسون حسینیمی داده
گل حسینیم گوزل قارداشیم گل
قالموش اللرده ال سیز باشیم گل
گل سینان باشیمی آل قوجاقه
باخ یارالی ئوزه دیل دوداقه
گوز یارا باش یارا شهپریم یوخ
پیکریم قاندی باشدان ایاقه
نوکرون ترک ایدور اوز آقاسین
گل آقا باغلا بیر گوز یاراسین
باشدا یاره بدنده قولوم یوخ
پیکریم یاره دی ساق صولوم یوخ
اولموشام قیزلاروندان خجالت
گلمگه خیمه گاهه یولوم یوخ
گل آقا گور نئجه صادقانه
عاشقون جان ویرور عاشقانه
ایت آخوندی ئوزه جاری گوز یاش
هر غمیمدن بو بیر غم گلوب باش
قارداشون ئولمگی چوخ چتیندور
گور میئیدی منی قارداشیم کاش
سنده من تک دئنن یا حسینیم
تا گله دادوه نور عینیم
- چهارشنبه
- ۱۹
- آذر
- ۱۳۹۹
- ساعت
- ۲۳:۵۶
- نوشته شده توسط
- یوسف اکبری
- شاعر:
-
کربلایی حسن آخوندی
ارسال دیدگاه