حضرت باقره منسوبیدی بو غملی خبر
چوخ موثقدی عنایت ائلسون اهل نظر
کربلا واقعه سیندن صورا باشلاندی سفر
غُصه لر همره اولوب قافله اولدوزلارینا
شهدا باشی سالوب سایه قالان قیزلارینا
اولان اولدی داغیلوب خیمه و خرگاه حبیب
نصب اولوب نیزه لره راءس شهیدان نجیب
اکبرین نوره بورنموش باشی ایلوردی نهیب
نیزه لر اولدی دوچندان رقم و قیمتدن
باشلاری که آپارور قیمتی باش جنتدن
شاهدم یرده یاتان پیکرِ بی دست و سَره
اصغرین حالتی سالدی حرمی درد سره
بو سوزین یازماقی قان سالدی ئورکدن بصَره
منی عفو ایلیه جک یوسف زهرا حتماً
انتقام آلسادا سونمز غمی دیلدن قطعاً
محشره اولدی برابر غم غارت علَنی
چوله ویلان اولان اطفال اولوب آز گلنی
نئچه سی غش ائلیوب یا ایاق آلتدا ئولَنی
کلّ آمارِ حرم زینبه گوز تیکمیشیدی
زینبون قوللاری قمچیله دوگون دوشموشیدی
هیبت غم بی بیمون غیرتینه ووردی محک
او زمان که آتامین جسمی یانوب خیمه سی تک
قالوب انگشت دهان غیرت زینبده فلک
باخمادی شعلهء سوزانه اولوب آماده
دئدی گلدی بالا سجاد بی بون امداده
شعریمون سر به سری اولسا اگر تعریفون
ذره جک غیرتینون یازمامیشام توصیفون
منه واجبدی نمازیم کیمی بو تکلیفون
چشم دوران گوره حاشا بئله غیرتلی خانم
ائل قبیله ام سنه قربان اولا شرمنده جانیم
- جمعه
- 21
- آذر
- 1399
- ساعت
- 22:51
- نوشته شده توسط
- یوسف اکبری
- شاعر:
-
محمد وهابزاده (عیّار)
ارسال دیدگاه