ای شهرتی عالمده دوشن دیللره زینب
وی زینت اولان فاطمه ی اطهره زینب
عشق عالمی عاشق ائله مز سئیریده تغییر
کیم صادق اولا محضر جاناندا اولار پیر
احسن سنه عشقون ائله‌دی عالمه تفسیر
عاشق اودی تقدیم ائده سر، سروره زینب
هر طایفه‌نین فخری اصالتدی، شجاعت
وار سنده بو شرحه، ایکی برجسته علامت
هر راس امامت سنی هم ختم رسالت
تعریف ائدر اولدن الیٰ... آخره زینب
ائتمئیدون اگر کوفه‌ده افشای حقیقت
ائتمیئیدون اگر شامیده‌کی خطبیه همت
الآندا حسینین یئرینه.. آنلاماز امت
ایستردی عمرسعدی چیخا منبره، زینب
شمر ایسته‌دی یاددان چیخا میعاد حسینی
سن دهریده جاوید ائله دون یاد حسینی
سن تک ائشیدن اولمادی فریاد حسینی
مقتلده دئدی حنجریلن خنجره زینب
قانیملن آییردیم بشره راه نجاتی
یعنی کیم آتوب اصلی دوتا مستحباتی
نادانیدی یئتمیش ایل اگر قیلسا صلاتی
آزاده بشر خیرینی ساتماز شره زینب
اندیشه لر اولسا زر و زوریله مسخر
لایعقل سگ باز اولاجاق امته رهبر
هر یئرده حسینیله یزید اولسا برابر
لعنت ائله ملت بئله بیر رهبره زینب
بسدور سنون اجلالیوه شرح اولسا بو معنا
دشمن طلقی زاده دی سن زادهٔ زهرا
رسوا اولوب عالمده.. گرگدور اولا رسوا
شاهینه مقابل دایانان شب پره زینب
بیرگونده سالا کیم باشینا یئددی قرانی
نه جسمی ائدر بو غمه طاقت نه روانی
بیهوده دئموللر سنه.. صدیقه ی ثانی
طاقتده گرک اوخشیا قئز مادره زینب
شهزاده سن اما نه قرا گونلره قالدون
وئردون نلر الدن.. بو فلکدن نلر آلدون
چکدون نقدر غصه یاریم گونده قوجالدون
آق تئل یاراشور هاردا قرا معجره زینب؟
- جمعه
- 21
- آذر
- 1399
- ساعت
- 23:7
- نوشته شده توسط
- یوسف اکبری
- شاعر:
-
علیرضا امانی مجد
ارسال دیدگاه