بو بیتی گرک اهل ولایت دیله ساچسین
غیرتلی کیشی قویماز عیالی باشین آچسین
فرهنگ اروپائیله دین ساخلاماغ اولماز
ناموس و حیا اولماسا دیل داغلاماغ اولماز
هر ائوده ایت اولسا دا حسین نن دیماغ اولماز
هر کیم باخیری دوره ده یاخشی قولاغ آسسین
غیرتلی کیشی قویماز عیالی باشین آچسین
هر باشرفین دهریده بانوسی دی زهرا
مومن خانمین غم گونی دلجوسی دی زهرا
هر کیمسه حجاب اهلی دی الگو سی دی زهرا
قویما جانیوا آفت بی دینی داراشسین
غیرتلی کیشی قویماز عیالی باشین آچسین
چوخلار چالیشیر چادر زینب اله دوشسون
دینین نن ال اوزسون بو خانملار چوله دوشسون
فیلمین گوتوسون پخش ایله سین تا دیله دوشسون
هر یرده حجاب آدی گله قیز دالی قاشسین
غیرتلی کیشی قویماز عیالی باشین آچسین
هیهات مسلمان خانیما چپ باخا دشمن
گر ححب وحیا گئتسه اولار لکه لی دامن
هر هرزه باخیش دان سنی چادر ائدر ایمن
گل قویما باجی دامن پاکیزه بولاشسین
غیرتلی کیشی قویماز عیالی باشین آچسین
ای شاه شهیده گیینیب قاره گلنلر
ای سیره مرضیه نی سر لوحه بولنلر
انگیزه زی سست ایله مَسین دینه گولنلر
سیز قویمیون افکاریزه بیگانه دولاشسین
غیرتلی کیشی قویماز عیالی باشین آچسین
دین خاطرینه خواهر من، اولماسا باکون
لاله بیتیرر سَنده ئولندن صورا خاکون
محسن حججی لر بویودر دامن پاکون
قوی خون شهیدان بئله دامانه یاراشسین
غیرتلی کیشی قویماز عیالی باشین آچسین
یوخ گوهر ناموسه جهان ایچره برابر
بیر دّر گرانمایه و ارزنده دی خواهر
غیرتده سنین حکم وظیفندی برادر
مومن اودی دینین نن اوتور چوخلی ساواشسین
غیرتلی کیشی قویماز عیالی باشین آچسین
فکر ایلوری دشمن کی بیزوخ بیکس و بی یار
هی حمله ائدیر دینیمزه قوم تبهکار
بولمورکی قیرار ریشه سینی قولسوز علمدار
باخسا غضبیله اوزی بولمز هارا قاشسین
غیرتلی کیشی قویماز عیالی باشین آچسین
- جمعه
- 21
- آذر
- 1399
- ساعت
- 23:13
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه