شرط تثبیت وفا عشقه ابالفضل آقادی
شرط مردانگی هر مرده ابالفضل آقادی
مایه‌ی فخر زمین عرشه ابالفضل آقادی
ندی دارو ندی دکتر بو سوزی باور ایدون
رمــز درمـان دوا درده ابالفــضل آقادی
مایه‌ی عزت هر شیعه ابالفضل آقادی
هیئته شور ویرن سینه ابالفضل آقادی
اسلامی افضل ادن دینه ابالفضل آقادی
ندی مکه بو سوزی سیز یتیرین حاجیلره
بیزلره مکه ایله کعبه ابالفضل آقادی
چونکه هچ سائلنی بوش‌یولا سالماز قاپیدان
ترک جماعتله تانوشدی ابالفضل هامودان
یعنی میخانه لرین بزمی قورولوب یارونان
نینیرم من میِ انگور یا کی میِ خرمانی
بیزلری مست الیین خمره ابالفضل آقادی
بیل بو گون کرب و بلا مهد طبابت اولاجاق
سهم دکترلوخ ابالفضل آغاما چوخ اولاجاق
مریضلرین گوزی والاه بله جمعده اولاجاق
بو سوزی سیز یتیرین حاذق و ماهرلرینه
دکتری بیر دانا هر شهره ابالفضل آقادی
- جمعه
- 21
- آذر
- 1399
- ساعت
- 23:24
- نوشته شده توسط
- یوسف اکبری
- شاعر:
-
حسین اسرافیلی
ارسال دیدگاه