تسلیت ای صاحب عصر و زمان یابن الحسن
قلبیوی هجران اوخی ایتدی نشان یابن الحسن
شیعه لر گوزیاشوه قربان اولا اولدون یتیم
عرشه قوزانسون گرک آه و فغان یابن الحسن
معتمد بیر ظلم ائدوب ارکان هستی تتریوب
غصّه دن محزون اولوبدی انس و جان یابن الحسن
ایلسون الله عذابین چوخ شدید اول ظالمین
آغلاشار بو غمده حتی قدسیان یابن الحسن
بو جنایتلر هاچان پایان تاپار ای دادرس
گل بو ناحق قانلارا سن ایله قان یابن الحسن
آل عدالت تیغینی گوزیاشی سیلمیش اللره
انتقامه ائتگیلن چهره عیان یابن الحسن
"زعفرین" اولسا گناهی رحم ائله گچ جرمینی
آغلیوب جدون حسینه چوخ زمان یابن الحسن
- جمعه
- 28
- آذر
- 1399
- ساعت
- 21:6
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه