سندین ستمی حبسده موسانی قوجاتدی
زهریلن او ظالم گل زهرانی ساراتدی
هارون جفا پیشه نین امرین ائدوب اجرا
معناده گویه ناله ی زهرانی اوجاتدی
مولايه وئروب زهرلی خرمانی او ظالم
جسمنده اونون زحمت و ایذانی چوخاتدی
از بس که او سم ایلدی اکبادینه تاثیر
زنجیر بولن یاره دکی قانی قاراتدی
گاهی سارالوبدی بدنی گاهی قیزاردی
تحلیله گئدن جسمده یارانی آزاتدی
هر دم اریوب پیکری اندامی کیچیلدی
زندانبان اونون سلسله سین یغدی داراتدی
آخر یخیلوب قالدی او مرطوب مکاندا
یر تنگیدی فکر ایلمه قیچلارین اوزاتدی
نسگل لر آرا شیعیه نسگل دی بو مطلب
بوینوندا آغیر سلسله دنیا داشین آتدی
زنداندا غریب ئولدی او حلال مشاکل
اوز جدی کیمی بستر تپراقیده یاتدی
آخر نفسینده دئدی که تشنه حسین وای
جنتده خانم فاطمه ال زلفینه قاتدی
تشییعینه زندانه گلوب دورت نفر حمال
تابوت عوضینده در زندانی چیخاتدی
تابوت اولونوبدی او قاپی وار ایکی معنا
اول بودی تحقیر ائلدی کامینه چاتدی
دوم بودی اول محبسه مجرم داخی گلمز
علت اودی زندان قاپوسین چکدی قوپاتدی
بو علته ائتمشدی اونی تخته ی تابوت
لعنت گله عقبانی بو دنیاسینه ساتدی
زندان دئمگ اولمازدی سیه چالدی نمناک
اون دورد ایل امامی ائله یر یوردی قوجاتدی
اون یدّی قیز اون دورد ایلی گوز یولارا تیکدی
معصومیه بو فاجعه لر حشری یاراتدی
واردور یری دیوانینه ثبت ایلییه "زعفر"
سکان سماوات او گون ماتمه باتدی
- جمعه
- 28
- آذر
- 1399
- ساعت
- 21:30
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه