جنانی ترک ائت ننه یا زهرا
خزان یتوب گلشنه یا زهرا
جفالی دشمن آنا خرماده
وئروبله زهری منه یا زهرا
غریبم ننه یا زهرا دخیلم سنه یا زهرا
او زهر اوتوندا جگریم یاندی
وجودیم اود دوتدی آلولاندی
مثال جدیم لبیم عطشاندی
اولوبدی نسگیل گنه یا زهرا
وئروبله زهری منه یا زهرا
دوا تاپولماز من مظلومه
ئولیم دی چاره بئله مسمومه
داخی گورنمز منی معصومه
گلور رضا مدفنه یا زهرا
وئروبله زهری منه یا زهرا
غریبم ئولسم منه کیم آغلار
چیخاندا جانیم گوزیمی باغلار
جنازه م اوسته سینه سین داغلار
کیمیم گلر شیونه یا زهرا
وئروبله زهری منه یا زهرا
بو سون نفسده منی سال یاده
یوخیم دی بیر کس یتیش امداده
اوزون گل ایله کفن آماده
گیوم بو یورقون تنه یا زهرا
وئروبله زهری منه یا زهرا
قفسلر اسکاندی بو دلگیره
چکوبدی دشمن غُل و زنجیره
ترحم ایتمزله منِ پیره
دچارم اهریمنه یا زهرا
وئروبله زهری منه یا زهرا
عناده هارون دنی دوردی
بساط ظلمی او شقی قوردی
بلالی زنداندا منی یوردی
عیاندی حالیم سنه یا زهرا
وئروبله زهری منه یا زهرا
بلایه محبسده گرفتارم
ائدوبله مسموم اوزولوب چاره م
اوزیم اوزیمدن داخی بیزارم
قسم حق ذوالمنه یا زهرا
وئروبله زهری منه یا زهرا
جفای سِند ایتدی گلون پرپر
ووروبدی قمچی گویروب پیکر
رقیه مثلی یازاجاق "زعفر"
وورولدی قمچی منه یا زهرا
وئروبله زهری منه یا زهرا
- جمعه
- 28
- آذر
- 1399
- ساعت
- 22:14
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه