خداوندا هامی دنیا سنوندی
نه دنیا کلّ مافیها سنوندی
کرات و کهکشان و هفت افلاک
بونا تردید یوخ یکجا سنوندی
سرای آخرت،دیوان محشر
جهیم و جنت المأوا سنوندی
ملائک عرشیده،گویلرده یرده
نقدری واردیلار حتی سنوندی
بو قدری وارلیقی من ذکر ائدنمم
نه واردی بیلمورم هاردا سنوندی
عذاب ائتمه خدا ایتسم جسارت
خطا مندن عطا امّا سنوندی
بساط خلقتون که یوخ حدودی
اونا سوز یوخدی سرتاپا سنوندی
منیم وار بنده لیکده امتیازیم
بو منصب گور منیمدی یا سنوندی
منیم وار سن کیمی اللهیم،الله
سنون یوخ اللهون الا سنوندی
- جمعه
- 28
- آذر
- 1399
- ساعت
- 22:28
- نوشته شده توسط
- یوسف اکبری
- شاعر:
-
زعفر آزادمهر شیخ درآبادی
ارسال دیدگاه