مژده مژده یاران گُلِ زهرا گلور
عرشِ عشق و فضله مَهِ زیبا گلور
عالمه بوگون زینَبِ کبرا گلور
طلعتی زیبا گُلِ باغِ تَوَلّا
عالمی حیران قویوب دختَرِ مولا
گویده قاداسین آلیب خیلِ ملائک
سالدی اوزریک بوگون عرشیده حورا
بشارت سویونیب غملی اورک لر
بوگونده گل آچیب باغدا چیچک لر
قالیب یئرده هامی حسنینه حیران
ئوپوب طلعتینی گویده ملک لر
گوزلر آیدین گلیبدی کوهِ غیرت
مهدِ ایمان مَهِ سمایِ عصمت
به به دختِ عزیزِ مصطفایه
مقدمیندن جهان اولیبدی جنت
زینب زینب زینب گُلِ زهرا ۴
حَیِّ ذوالمنن تحفه یِ زیبا وئروب
لوحِ حجب و عفّت بونا زهرا وئروب
درسِ فضل و غیرت خود مولا وئروب
ثانِیِ زهرا بونون غیرتی دریا
مقدمینی بوس ائدر مریم و سارا
عرشیده هامّی اوخور نغمه ی شادی
مژده عزیزان بزندی گینه دنیا
گلستاندا آچیب بیر گل خوشبو
دیور عشقینه بلبل گینه کوکو
اونا قربان اولا عالَمِ امکان
گوزلدور باخیشی طلعتی خوش رو
گوندور گوزلر گوزل قاشلار هلالی
گوندن آیدین بونون شمسِ جمالی
حَیِّ یکتا گینه قیامت ائتدی
گلمز والله گُلِ زهرا مثالی
زینب زینب زینب گل زهرا ۴
- جمعه
- 28
- آذر
- 1399
- ساعت
- 23:17
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه