مژده عالم گلستان اولدی
باغدا بلبل غزلخوان اولدی
گلدی بیر گُل کی مقدمیندن
عرشیلن فرش چراغان اولدی
حسندور آدی _ نه دلآرادی _ اونا جان قربان عالمه مولادی
حسن یا مولا ۳ یا حسن مولا
باشلارین افسری خوش گلدی
دئللرون ازبری خوش گلدی
شیعه گل سسله با شور و شین
فاطمه دلبری خوش گلدی
مبارک اولسون _ مبارک اولسون _ مبارک بو تحفِه یِ تبارک اولسون
حسن یا مولا ۳ یا حسن مولا
نوگُلِ حیدره عشق اولسون
جانِ پیغمبره عشق اولسون
کیم جمالون گوروب سسلندی
خالِقِ داوره عشق اولسون
وئروب الله پای _ نه پای عینا آی _اونا حوریلن ملک چالور لایلای
حسن یا مولا ۳ یا حسن مولا
مقدموندن اولیب گوز روشن
عالمی ایلدون چون گلشن
آدیوه جان اولا قربان چون
آقاجان سن ابالمهدی سن
اورکده حک سن _ جهاندا تک سن _ یوزون آیه بنزِیور نه گویچک سن
حسن یا مولا ۳ یا حسن مولا
عاشِقانون عطا ایستللر
درده حکمِ دوا ایستللر
چوخدی بوردا حسین عشاقی
هاممیسی کربلا ایستللر
کرم قیل مولا _ اورکده غوغا _ گئداق بیز کرب و بلایه ای آقا
حسن یا مولا ۳ یاحسن مولا
- جمعه
- 28
- آذر
- 1399
- ساعت
- 23:24
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه